نكـــمل ـــــــــــــــــــــــــــــــــــــــــــــــــــ أسواق ومحلات متفـــــرقة في جدة 1-سوق حراء الدولي غني عن التعريف( شيخ الاسواق ) واغلب المحلات لها فروع فيه فيه قسم للذهب كبير ـــــــــــــــــــــــــــــــــــــــــــــــــــ 2-حراء افينيو بالقرب من سوق حراء مول حلو وصغير على امتداد شارع الامير سلطان ـــــــــــــــــــــــــــــــــــــــــــــــــــ 3-عزيز مول سوق رائع قدم نفسه وبقوووه في عصر كثرة الاسواق اولا بحجمه الكبير وااحتوائه على اغلب الماركات هذا غير الموقع اللي خدمه كثيرا فتح في وسط جده قريب للكل وهو اوفر لاهالي الرحاب والربوه والصفا كثير من المشاوير ـــــــــــــــــــــــــــــــــــــــــــــــــــ 4-ساوث مول جنوب جدة ـــــــــــــــــــــــــــــــــــــــــــــــــــ 5-سوق الحجاز 1.2 محلات بيع الذهب لكن المعروف ان الحجاز 1 صار اغلبه اقمشه وبما ان الشيء بالشيء يذكر ـــــــــــــــــــــــــــــــــــــــــــــــــــ 6-سوق مجمع الشرق كلللللل محلات الاقمشه تحت سقف واحد ـــــــــــــــــــــــــــــــــــــــــــــــــــ 7-مركز الجمجوم من الاسواق القديمه المعروفه على الحمراء افضل العاب اطفال عندهم تغغيير عن الالكترونيات والخرابيط وتشغيل لمخ الاطفال شوي وفيه مكتبة تهامه ومحلات رجاليه ـــــــــــــــــــــــــــــــــــــــــــــــــــ 8-سوق جدة الدولي اغلبه محلات رجاليه وفيه محلات ذهب ـــــــــــــــــــــــــــــــــــــــــــــــــــ 9-مركز المساعديه على طريق المدينه تقدر تشتري وانتي بالسياره تحطك لاي محل فيه كوفي ليلك حلو وفيه بارتشنات مجموعة محلات السواني بتفرعاتها بينتون –ريني ديرهي ..الخ قزاز ماي فير ليدي ـــــــــــــــــــــــــــــــــــــــــــــــــــ 10-مركز شامل جنب اوباجي فيه ماركات عالميه يعني تقدر تقول مركز الخياط بنسخه اصغر ـــــــــــــــــــــــــــــــــــــــــــــــــــ 11 باب قابل ومنطقة البلد منطقة البلد ما زالت لحتى الان منطقه تجارية وغالبا غالبا جمله وفيه منطقة السحيفة معروفه انها تخصص شباصات وبكل واكسسوارات تبيعها باسعار الجمله يعني ارخص وعندهم تشكيلات حلوه فيعني اذا كنتي عندك بنات كثير وخوات وكذا تمونين عليهم مافي مانع لو رحتي وشريتي بالدرزن ووزعتي عليهم ايضا هناك مركز الشاطي معروف انه يبيع عطور فيه تقليد وفيه اصلي ويبيعها بسعر الجمله ـــــــــــــــــــــــــــــــــــــــــــــــــــ 12-الاندلس مول مركز تسوق متكامل يضم وكالات تجارية , ملابس اطفال , نساء , عطور , ساعات , احذية, بالاضافة لمنطقة المطاعم و الجلسات العائلية ومنطقة ترفيه الاطفال هذا غير التظافة عال العال. ـــــــــــــــــــــــــــــــــــــــــــــــــــ 13-الجامعة مول اشهر سوق بحي الجامعه بجوارة هيبر بندة وجرير ولاننسى السوق الشعبي الجامعه الشعبي فيه ملابس نسائية واطفال وغيرها وباسعار مناسبة وكم محل للحوامل ـــــــــــــــــــــــــــــــــــــــــــــــــــ مذر كير انصح بالمحل اللي في التحلية ومحلات جس معروف ماركه للاطفال والحوامل ماماز & باباز بريماما في التحلية كمان لملابس الحوامل مراحل الامومة للحوامل ..محل يبرين ملابس تصلح حوامل عزيز مول في الدور الثاني محل مراحل ولواء للحوامل ـــــــــــــــــــــــــــــــــــــــــــــــــــ واخيرآ اتمنى اني قدمت شي ولو بسيط و مفيد لكـــم مع انو لسة في اسواق ماذكرتها ومحلات كتتييييييير لكن اي وحده عندها محل تحطوا لنا ولاتبخل علينا بشي ويارب اكون قدمت الي فيه الخير واسئل الله لي ولكم التوفيق ..مع خالص حبي وتقديري واحترامي لكم >فديت حبيبي<