[بريق الماسة]

السلام عليكم ورحمة الله وبركاته
كيف حالكم يا مبقوشات؟؟؟
عساكم بخير دوم يارب
هذي اول مشاركة لي وحبيت اخبركم للعبرة فقط

ولله الحمد والمنه استقبلت خبر حملي الثالث المفاجئ بسعادة وقلت الحمدلله ان الله رزقني احمل بلا علاج زي الحمل الثاني وعدت شهور الحمل مع التعب والثقل ولله الحمد وعطوني موعد للولادة 16/5/2009 وققرت الطبيبة انه اذا ما ولدت اروح انام بالمستشفى حتى الد بطلق صناعي يوم 17 ، في يوم 16 من صحيت الصبح وانا ما احس بأي حركة للجنين ، وانتظرت للمغرب ورحت المستشفى وكأني حاسة اني ماراح اولد واخرج للبيت بالبيبي ، دخلوني الولادة وعملت لي الطبيبة تخطيط دقات قلب الطفل وكان مافي دقات وعملت لي سونار وخبرتني ان بنوتي ماتت
ولله الحمد بكيت وانهرت لأني تعبت فيها وتمنيت اربيها زي اخوانها لكن الله قدر وما شاء فعل ، وخبرت زوجي وقال المهم انتي والجنين يتعوض ونمت في المستشفى وفي اليوم الثاني جاتني الأستشارية وقالت يوم 18 بنعطيك الطلق حتى تولدين ، وبقيت يومين من العذاب لين ولدت 20/5 ولله الحمد وجبت احلى بنوته الله يرحمها ويجمعني بها في الجنة يارب ، المهم يا اخواتي الطبيبة من بعد فحص الأربعين قالت لي سبب وفاة البنت اني ما اخذت تطعيم الحصبة الألمانية ، واخذته وانتظرت 3 شهور استخدم فيها مانع للحمل وكملت 7 شهور مع المانع وتركته ولخبطت الدورة شهر واحد وعملت هرمونات وتحاليل كثيرة ووصفت لي بس فيتامينات اسمها زهرة الربيع المسائية وللحين اخذها ودورتي منتظمة وآخر دورة كانت 20/3/2010 وللحين ما شرفت بس اقدر استخدم هالفيتامينات وانا حامل؟؟؟
واللي تاخذ دواء اسمه bloopress plus8 للضغط اقدر اخذه وانا حامل؟؟؟

الرجاء يا اخوات اللي تعرف ترد علي والله يهون عليها وينولها اللي ببالها يارب