شوفي الحلبة ترا هي أكثر شيء يدر الحليب وأنا مجربتها
وحطي معها الحليب أغليها وبعدين صفيها وحطي معه عسسسل
يغير طعمها شوي حاولي وإذا عاد ماقدرتي الله أقوى بس كثري حلييييب
وبالنسبة للمضخات أنا شريت وحدة اللي تركبينها بالرضاعة
جابت لي الهم تطووولين وأنتي تشفطين ومتعبة بصراحة
وتخيلي يعني كل ساعتين تجلسين تشفطين وتقعدين ساعة وإلا ساعتين
عشان يوصل الحليب 90 مل
بس إذا أنتي حابة تجربيها جربيها وشوفي لكن أنا والله شريتها وجربتها
ورميتها على طول مافادتني
أنتي أحسك إذا جيتي بترضعينها تتأزمين وتحسين الموضوع صعب ومتعب
لكن لو تهيئين نفسك قبل صدقيني بيصير الوضع مره عادي وسهل عليك
جيبي مخدة الرضاعة أو أي مخدة عشان ترفعينها فيها عشان يديك ماتتعب
وأسندي ظهرك على حاجة عشان ترتاحين ومايألمك
وسوي كمادات موي دافية لصدر قبل لاترضعينها وسوي مساج خفيف عشان يساعد الحليب ينزل
ومايتجمع فيه
وعشانها حاولي تتحملين وتصبرين وصدقيني كلها كم يوم لو سويتي اللي قلت لك عليه
بتلاقينها تصير ترضع بمهارة هههههه
وأهم شيء النفسية تلعب دووور كبير أرتاحي ولاتكبرين الموضوووع وفكري كل الحريم مروا باللي مريتي فيه وعدو