اهلين خواتي شخباركم وشخبار اجنتكم ... عساكم بخير ؟؟ كم يوم وادخل الشهر السابع .. وانا من دخلت السادس وحاسه بضغط فضيع في خاصرتي اليمنى .. ولا اعرف اجلس او امشي ولجيت اتكلم او اضحك يزيد الضغط علي ..ولمن اشتغل بشقه ماقدر اتكلم انكتم لانه اذا تكلمت راح يزيد الالم في البدايه فكرته التهاب عندي في الكلى بس ليه الالم يزيد مع الحركه لو التهاب كان كان تم ثابت.. مع العلم اني قبل سنه جاني التهاب في البول(اعزكم الله) وسويت تصوير للكلى اليمنى وقالو معي حصيات اصغاار .. والجنين الله يهديه معسكر عندي في الجهه اليمنى ...كيف اقنعه يروح الجهه اليسرى ...... لاني والله حاسه هالجهه تورمت من كثرت الترفس والتفحيط .. *تقولون لانه ولد بيكون في اليمين ..سبق وان كوثريه تفظلت وقالت تؤمهاا البنات دايما حركتهم باليمين ...... واسفه ع الاطاله بس قلت يمكن في احد يعاني زيي واستفيد من خبرته ... ولكم مني اجمل تحيه ...