[سمار]

عزيزتي فيه مواقع كثيره ممكن تفيدك في طريقة التعامل مع الشخصيات اللي مثل زوجك
يمكن الجفاء العاطفي اللي بينكم هو السبب أقصد الكلام الحلو والحركات ولاتنسين أنك موظفه يعني أغلبية الوقت بعيده عنه وكمان مافيه أي توضيح لمشاعر الشوق إذا ألتقيتوا يعني ماتبينين له وش كثر أشتقتيله إذا رجعتي من العمل ولا تشاركينه اي نشاطات أو مواضيع الرجال إذا شاف الزوجه دائماً أو أغلبية الوقت بعيده خلاص يتعود على بعدها ويسير يختلق الأعذار علشان يلقى الإهتمام في مكان ثاني ويبررلنفسه أي زله بأن الزوجه مو داريه عنه ولا تهتم فيه
أكيد راح يهتم ويوفرطلبات ومشاوير أهله لأنهم أولاً أهله وثانياً لأنهم أكيد كل ماألتقى فيهم يبينون وش كثر أشتاقوله ويجلسون معاه وبهالمشاوير تقرب المسافات بينهم وتصير علاقتهم أصدقاء مو أخوان
يمكن أنتي ماتطلعي معاه مشاوير خرجات خاصه مو مشتريات لا عشاء برا ليله بفندق حلو وجلسه رومنسيه الزوجه تغلط لمن تفكر أنها تحصر خرجاتها مع زوجها بس علشان تنزل السوق
وأنتي موظفه بإمكانك ترتيب كل شي وإذا سافرتوا روحي أجلسي معاه في بيت أهله أغلبية الأيام أو قسمي الإجازه بين بيت أهله وبيت أهلك كمان هو يجي يجلس معاك عند أهلك وخليك قريبه منه أكثر من أول في البدايه بتشوفي الشي صعب بس لوتخيلتي كل شي حلو وعشتي بجو رومنسي أنتي تخلقيه معاه صدقيني بتسوين أشياء ما بعمرك تصورتي أنك تسوينها حنا وش يحركنا تجاه أزواجنا غير مشاعرنا تجاههم هي اللي تخلي الدنيا حلوه حولينا ونخلق الأشياء الحلوه
حاولي تتقربي منه وسوي كل شي نفسك فيه كأنك طفله وأطلقي العنان لنفسك ودلعها وغنجها وكوني أنتي الدلوعه الحلوه مو الموظفه اللي تحس بالإستقلاليه وتشوف أنها لازم ماتبين مشاعرها لأقرب الناس لها هذا زوجك أغلى ماتملكين بالدنيا ياتسبينه وتحافظين عليه أو تخسرينه للأبد وأكيد وقتها بتومتي من القهر هذا أنتي تغارين من معاملته لأهله أجل لو تزوج أو تعرف على وحده برا البيت ووصلك الخبر وش راح تسوين
أسمحيلي أنتي تتحملي الجزء الأكبر من السبب في تزعزع هالعلاقه لأنك بعيييييييييييده
حتى لو كنتي موجوده بالجسد فالكلام والإهتمام بالطرف الثاني بطريقه مجنونه ومولعه ناااااااار ألذ شي ممكن يحس فيه الزوج وهو يحتاجه أكيد

أتمنى لك التوفيق والسعاده وياليت تبلغينا بالتطورات اللي تصير معاك جربي وشوفي