اشكر كل من ردت علي وواستني حسيت إن فيه ناس مشاركتني همي
أنا تكلمت كثير بهالموضوع معه بس المشكلة كل ما تكلمت قال أنت تغارين من أهلي وتكرهينيهم و... و..... ويتهمني باطل, أنا لو كان زين معي ومعهم كان كنت سعيدة ولو شين علي وعليهم كان قلت هذا طبعه بس زين مع كل الناس وشين معي ليه أنا ما قصرت معه بشيء
بالإضافة ما أقدر أسكن معه عند أهله لما تجي الإجازة لأن ما عندي حتى غرفة عندهم البيت على قدهم وهو لما يروح ينام بالديوانية (مجلس الرجال ) وبالنسبة لخدمة أهله بس الملابس اللي تنغسل بالبيت وإلا كل واحد يصحى يأكل لحال والأغلب من المطعم عشأن وقت الإجازة الناس يتلخبط نومها وأنا هذي ثاني سنة لي بالوظيفة واخذتها إجازة بدون راتب وجلست عنده بالبيت وخلال سنه كاملة ما عطاني ولا ريال مصروف لي بالرغم إنه مخصص لأمه مصروف شهري وجوالها باسمه وهو يسدد فاتورته
اخواتي ما كتبت مشكلتي إلا أنها ضايقت علي من كل النواحي حتى لما أجلس اتكلم معه كلام عاطفي يقول لي اتركي عنك كلام الأفلام العربية وبلا خرابيط وكلام فاضي صرت أحس إني لو متزوجة شايب احسن لي