شوفي حبيبتي اول اسبوع ماحسيت بشئ بس بعدها صرت احس زي التنميل يبدأ برجولي ويطلع على فوق في جسمي كله ولاعاد اقدر امسك البيبي ولا ارضع وكرهته بشده واذا بعدت عنه احن واصير ابكي بهستيريا واذا قربت كرهته ورميته بطول يدي واصير ادور بالبيت واصيح واتمنى اموت لاني مو عارفه اش اللي فيني تعبانه ابغى اصيح وبس لدرجة اني فكرت في الانتحار لكن بعد الله كلمتني وحده من صاحباتي تبارك لي بالمولود وكانت اخصائية نفسيه فشكيت لها حالي وهي اللي فهمتني انها اكتئاب وانه عادي يجي لمعظم الحريم وعطتني نصايح كيف اخفف منه خصوصا وانه كان يمسكني بعد المغرب واخر الليل بس
قالت اذا بدأتي تحسين بالتنميل اطلعي من الغرفه وروحي غرفه ثانيه وابعدي عن النونو وشمي هوا طبيعي واشغلي نفسك بالنت او بكالمة وحده فرفوشه تطلعك من الجو واستغفري كثير واذا زوجك متفهم خليه يوديك منتزه او سوق او مطعم بدون النونو طبعا
والحمدلله عدت سبلام بعد حوالي 9 شهور*