السلام عليكم ورحمة الله وبركاته بقول لكم موضوعي وعطوني رايكم .. أنا متزوجة من تسع سنوات وعندي ولد والحمدلله عمره ثمان سنوات .طول الفترة الي طافت زوجي ماكان يبي أولاد وأنا كنت مطنشة وعادي الوضع عندي بس من العام الماضي وأنا اقنعه أن العمر يمضي والدنيا متحججة ويمكن بعدين الله مايطعمنا. وفي شهر رجب وبعد وصراخ وصياح أقتنع ووافق ان نجيب بس ترى مو من قلبه بس يمكن مل من المهم من شهر رجب للحين ماصار حمل مع العلم بولدي بس شهر واحد وحملت أما الحين صار لنا كم شهر وكل شهر أقول هشهر لغاية الحين أنا مافي شي.. قلت بروح للدكتورة تعطيني منشطات أو أسوي تحليل هرمون الذكورة بحكم أني تعالجت عنها لما كنت بنت ..أقول يمكن رجع أرتفع..بس زوجي موقابل أروح ويقول أصبري توه بدري للعلاج أنتظري سنه..خوفي سنه على سنه واحتاج علاج واطول بلعلاج وتروح علي اللأيام وأنا عمري الحين 31 ويش رايكم نرجع نحن ونصارخلو أنتظر كم شهر بعد...