انا سمعت بلطريقه هادي واذا ماني غلطانه في وحده ناقله الموضوع في نفس هادا المنتدى او يمكن منتدى تاني المهم انا اخر دوره لي جات بتاريخ 14 / 4 بالميلادي وباليوم السادس او السابع استخدمت هادي الطريقه بس مره وحده واستنيت اشوف ايش بيصير لان اللي كاتبه الموضوع قالت انها طريقه لتنظيف الرحم من السدد وهادا ما يبان بالسونار المهم بعد كم ساعه نزل دم قليل وعليه افرازات شفافه وبعدين نزلت حاجه غريبه اول مره في حياتي اشوفها افرازات لونها اصفرررر ولزجه وصار الدم ينزل معاي قليل بس مستمر وما طهرت الا في 9 ايام بدل سته
- اســــــــــــــــــــــــفه اني طولت عليكم الهرجه بس قلت يمكن اقدر افيد بتجربتي وطبعا انا من اليوم التاني للدوره اخدت كلوميد ومن اليوم التاسع الين ال17 اخدت ابر منشطه والخميس اللي راح اخدت ابره تفجيريه واستنى ربي كرمني هادا الشهر ادعو لي يا بنات
ربي لا تذرني فردا وانت خير الوارثين