[نرجسة]

السلام عليكم ورحمة الله وبركاته
اول شي شجعوووووووووووووووني هاي اول مرة بتجرأ اني حط اكلة
حتى كنت محتاسة كتير وموعارفة شو صور وشو ماصور
المهم نبدأ...

المقادير :
دجاج او لحم
رز بسمتي
زنجبيل يفضل اخضر
علبة زباي
ثوم
بصل
بندورة
بطاطا
باقة كزبرة خضرة وبقدونس
بهارات برياني
يفضل المهران اللي بتجي ظروف بعلب صغيرة
مو العلبة البلاستيك
لومي_هال_قرنفل_ورق غار_كركم
الطريقة :
اولا قبل يوم بالليل منتبل الدجاج:
بقطاعة البصل قشري الزنجبيل وحطي مقدار تقريبا نصف القطعة
ثوم نصف راس

واهرسيهم ..

*حطيهم بصحن و فوقهم علبة الزبادي وملعقة صغيرة بهارات
وافرمي شوية كزبرة خضرا وبقدونس وحطيهم مع هالخلطة

بعدين قطي الدجاج قطع صغيرة يعني الصدر قسميه 3اقسام والفخد قسمين الساق مافينا نقسم فيا
وحطيهم فوق هالخلطة واخلطيهم سوا وغطي الصحن وبالبراد لتاني يوم ...

تاني يوم ... يوم الطبخ يعني

منفرم البصل تقريبا وحدة كبيرة ومنحطها بالطنجرة مع زيت ومنقلي الدجاج لحتى يبيض شوي
متل هيك :

كمان منكون مقشرين بطاطا حبة كبيرة او حبتين مقطعة لارباع ..وبندورة مبشورة او مقشرة وبخلاط البصل
هون منحطهن فوق الدجاج بالطنجرة ومنكسر لومي والهال والقرنفل وورقة غار وقرن فليفلة
ومعلقة اكل بهارات البرياني وع فكرة هنن كتير حارين (حدة)مابعرف شو بتقولو اهم شي فهمتوعلي ..وملح
ومنعبي فوقن كاسة ونص مي (ماء)..


مننقع الرز نص ساعة
بعدين بطنجرة تانية
منعبي مي وشوية زيت وعود قرفة وقرنفل وهال وملح منسلقو نص سلقة
ومنصفيه ..

منشوف الدجاج بكون استوى ساعة تقريبا والبطاطا كمان وبكون ضل شوية مي تقريبا نص كاسة
بتحطي الكزبرة والبقدونس فوقهن

بعدمانتاكد انوالرز صارمسلوق نص سلقة صفيه و حطيه فوقها وبتغطي عليه بالمعلقة شوي وبتدوبي معلقة كركم بشوية مي وبترشي نقط على الرز بصيرو دويرات صغار يعني على الرز (منشان يصير حبة بيضة حبة صفرة) وبتوطي النار عالاخررررر وبتنسيه نص ساعة او اكتر شوووية
وبعدين طلي عليه واتاكدي من الرز بعدين اقلبيه قلب بنخلط ببعضو

وهوووون لما صبيته (سكبته)>> عملتلكم معجم سوري خخخخ

بس بليييييييييز بليز ارفعولي معنويااااااااتي لا تشاهدو بدوووووووون ردودكم الحلوة
بس من جد جربوها كتيييييييييييييييييييييييييييير لزييييييييييييييييييزة عنجد بتجنن

يلا بانتظار ارااااااائكم ياحلوات