السلام عليكم ... كيفكم اخواتي
شي في نفسي بغيت اقوله لكم واتمنى ماحد يضيك من كلامي
اشوف كثير من القصص والحكايات يلي تكتب في هذا القسم نعم فيها العبر
بس الله يسعد قلوبكم ليش ماتكون القصص مفرحه فيها العبره وفيها الفرح
ليش لازم تكون قتل او اغتصاب او موت بفضيحه او ... او ....
والله قلبي عورني ..تصدقون والله مااعرف وش ارد على القصص
اقول شكراً بس الموضوع احسه مايناسبه شكر ... اقول رائع بعيد كل البعد
عن الروعه .. ليس القصد تقليل من جهودكم او ان قصصكم غير رائعه ..ابداً
بس من كثر الحزن والظلم يلي يملئ القصه القلب يسكر والعين تدمع
صحيح في جانب اسود ومتعب في الحياة بس بالمقابل في شي ابيض وجميل
ياريت نصير ننقل قصص للتفاؤل وقصص للعبره شعر حزين وشعر كله فرح
كذه هي الحياة >>فخلينا نكون واقعيين ومتفائلين <<
الله يوفقنا ويوفقكم لما فيه الخير والصلاح للجميع