[آثار]

مرحبا اسم الدلع أثورة ههههههههه
وصلت للصف العاشر درستو وتركت وحاولت اقدم بكالوريا وانا حامل باول بنت ورحت قدمت امتحانين وما قدرت اكمل لانو تعبت
التقدير الدراسي منيح
نحنا صرنا مختلط بالصف العاشر بنات وولاد مشان هيك اكون خجلانة
اي كنت شاطرة
ولا هربت ولا مرة الحمد لله لانو انا بحب المدرسة وبحب اني اكون منضبطة بالدوام
اي الحمد لله كنت متفاهمة مع المدرسين وما عندي مشاكل
يعني هيا الكتب نظيفة ومرتبة بس الا ما الواحد يكتب معنى كلمة تعليق بتعرفي
اكتر مادة كنت احبها انكليزي وجغرافيا
لا ما كان عندي اصدقاء كتير
ولا موقف حزين لا ما في شي يحزن
اي كنت احل واجباتي المدرسية لانو ما تلحقي من كترها تتكسر ايديا
موقف مضحك لا ما اتذكر التفاصيل بس عادي هيك ضحك ولعب مع البنات
اقرب صديق حمدة ونائلة ومها وثراء
اثر استاذ احبة ما في حدا محدد بالعاشر لانو كانو عادي ومافي مدرسات كلهم مدرسين اما بالتاسع مدرسة الانكليزي منوة
اكثر شي بحب اشتريه من المقصف شوكلاتة سنيكرز
اي على فترة كنت افطر فطور خفيف بعدين لاااااااااااااااا
اي بحب المدرسة
اكتر شي صديقاتي والمزح وانو كل يوم بيختلف عن التاني ومشوق فيها مغامرات
اول يوم ولا شي بسلم على صاحباتي
اي مدرس الاجتماعيات كنت اكرهوا لانو بيخوف بتسمعي صوت الابرة بس يكون موجود بالصف بس بحب مادة الجغرافيا
هوا نفسوا المدير كان متشدد بس انا بعجبكم وهوا كان يحبني لاني منظبطة وخجولة وما بحكي ولا بضحك مع الشباب يعني لاني فهمانة وواعية مو صايعة
هي كل المعلومات عني بس آخر شي بحب اقلك انو انا تزوجت لما خلصت العاشر كنت فايتة بال16 ولحد الآن المدرسة بعدها بنفسي والايام الحلوة يلي راحت علي وانا هلأ عمري 24 سنة ومبسوطة مع زوجي لانو نصيبي مشان هيك سبحان الله تزوجت هيك ما بعرف كيف بدون ما افكر بشي كأنو رب العالمين هيك رايد نكون لبعض
والسلام عليكم بتمنى تعلقي عكلامي