[xRano0x]

طول عمري اقول ان اغلب الناس عندنا في السعودية فاهمين الدين غلط ودحين تأكدت ان رأيي صح ميه بالميه..
أحس ان السعوديين والسعوديات اذا مو كلهم اغلبهم أعداء أنفسهم ليش مدري!!
أول ماطلع الملك وأعلن القرار شوفنا كثير من الجنسين اعترضوا وتكلموا وتفلسفوا وقالوا مانبغى واعراضنا في ذمة المفتي ومن ذا الكلام..

خلاص اللي مو واثقه من نفسها لاتترشح افضل..
من متى كان الدين عائق في تقدم المرأة !بس دحين اي واحد يكره المرأه ويكره تقدمها حط الدين حجه ومحجه...

من جد شي يحز في النفس ويقهر..
الفصل هذا شي شكلي ولا يقدم ولا يأخر ..سبحان الله يسيبوا الجوهر والمضمون ويهتموا بالسطحيات..
بعدين كل جلسات مجلس الشورى مصوره فيديو ومذاعه واللي خايف على العضوات يروح يتفرج ويراقب..

ماصدقنا صار لنا شأن في البلد يقوموا يطلعوا أعداء المرأه ويتحججوا بالدين والحجاب والستر..عقليات جايه من الجاهلية الاولى..

وعلى فكرة الاختلاط عندنا موجود في أماكن كثيره اعطيكم امثله بسيطه جامعة الملك عبدالله..البنوك..بعض الشركات الخاصه ..والكثير طبعا
ليش اعداء النجاح مايروحوا يفردوا عضلاتهم هناك ..ولا زي مايقول المثل اللي مايقدر على الحمار يقدر على البردعه..

في النهاية أقول الفصل هذا ربما ربما مو اكيد يكون حق أريد به باطل..

هلا وغلا فيك اختي دلع
اعذريني في ان اصحح فكرتك عن المجتمع السعودي شوفي حبيبي المجتمع السعودي مجتمع يطبق امور دينه في كل خطوه يخطاها
ولمى يحاول انو يقدم دينو ع التطور مو معنها انو شعب عايش في جهل وتعقيد
بالعكس هادا الشعب الواعي المثقف اللذي يقدم رضى خالقه قبل نفسه وخلقه
وصدقيني لاننا نخاف الله ربنا حامينا وحافظنا من شروور الدنيا
ع العموم رأيك وكلامك ع العين والرااس وانا مو ضدك
بس حبيت اوضحلك الشي اللي يمكن غفلتي عنوو
وحياااك الله يالغاليه