[ليمآإآ]

السلام عليكم و رحمة الله و بركاته

شحالكم ان شاءالله بخير و صحة و عافية

انا عمري 18 و تزوجت شهر 7 هالسنة في بداية زواجي موعد الدورة تغيرت عندي و بدت تيني شهريا فاول التاريخ اما تاريخ 1 او 2 دائما هالموعد و ماتغير و الحمدلله انا دورتي شهريا تيني قبل الزواج و بغد الزواج و متنظمة. و لله الحمد لكن قبل 3 اسابيع حسيت بالام فضيعه اسفل ظهري و اسفل البطن و لون البول تغير و كل ما اقعد او اوقف احس بعوار في اسفل ظهري و كل ما اضحك و لا اكح تيني شد اسفل البطن وو يصعب التننفس و كل ما اسوي شي بسيط احس التنفس يكون صعب جدا و بديت هالاسبوع بعمل تحليل منزلي و دائما النتيجة سالب و الحمدلله على كل حال لكن امس الصبح اشتريت تيستر clear plue و طلعت النتيجة موجب بس تاخرت يمكن ربع ساعه و طلعت النتيجة استانست وايد لكن قالو لي اشتري تيستر ثاني و تاكدي احسن لانه النتيجة طلعت متاخر و يمكن مب حمل في الليل اشتريت نوع ثاني و. سويت التحليل طلع سلبي رحت المستشفى سوولي فحص بول النتيجة طلعت سلبي قالت الدكتورة بنشوف بالجهاز قعدت الدكتورة تضغط على اسفل البطن و جاني الم من كثر الضغط قالت في كيس صغير مب مبين كثير لكن كانه بداية الحمل بس مش باين لانه الدورة المفروض تيني تاريخ 2 بس ما يتني يعني متاخرة يومين اوثلاث قالت بنسوي فحص دم و باجر بنتصل و بنعطيج النتيجة رحت البييت و الحمل شاغل بالي تعبا مب قادرة ارقد انتظرت الساعه 9 رقدت ساعتين بس لكن بشرتني بنتيجة سالب على اني مول حامل و قلت لها كيف امس قلتي لي في كيس و بداية حملج قالت تقريبا الكيس يتحول الى دم و ينزل ك دورة شهرية قلت لها طيب ليش ما يتني الدورة الشهرية لين الحين قالت احتمال تيني بعد ثلاث او اريعه ايام و لو ما يت الدورة تعالي بعد بنسوي فحص دم بعد و رديت البيت و انا حدي تعبانة من كثر التفكير. الله يخليكم الي صار لها مثل حالتي تقول لاني تعبت من كثر التفكير ابي اتاكد انا حامل و لا لانه الدكتورة احسها ما تعرف مرة تقولي شي انا تعبت و لكن الحمدلله على كل حال و الف الحمدلله على نعمة ربي ادعولي بنات اني اكون حامل و ربي يرزق كل وحدة بالذرية الصااالحة يارب