ههههههههههههههههه أما عاد أنا كتييره مواقفي المخجله المضحكه وقت الولاده ببنتي ساره...
لما فتح الرحم 7 سم زاد معايا الألم وقد مأترجاهم يدوني مسكِن يطنشوني ويقولو لأ مدام بعدين يبرد الطلق..فسرت أبكييي وأقولهم اذاً خلاص ولدوني قيصريييييي جيبو ورقه وأنا أوقع على مسؤوليتي أنا أباااااا أولد قيصري والوالده وزوجي يهدو فيَا وماما تقولي خلاص انت خلصتي نص المشوار أتحملي..
ههه من الأشياء إللي مأنساها إني كنت كل مأشوف وجه زوجي وأنا ف غرفة المخاض يحمى الطلق ويزييييييد ومكسوفه أقولو أطلع برره..وأقول لماما خرجيه انتي مأبغاااااااه..هههههه
أما الفضيحه الكبيييييييييره بعد الولاده جلست ف غرفة الإفاقه 3 ساعات تحت المراقبه عشان سار لي نزيف..المهم أول مافقت وشفت الممرضات جنبي سرت أبكي وأقولهم خلاااص أنا مأبا أولد لاتاخدووني الله يخليكم..ويضحكوووو ويتتريقو عليَا ويقولو لي خلاص مدام انتي في ولاده وانااااام وأرجع أصحى نفس الموال الين ماجات الممرضه ومسكتني بطني قالت خلاص مدام شوفي مافي نونو خلااص..خخخخ قلتلها جيبي ورقه دحين أنا أوقع مأبا أولد ولا أحمل تاني..فطستهم ضحك الله يهديني..كلو من تأثير البنج..
الحمدلله أيااام وعدَت..