بسم الله الرحمن الرحيم
السلام عليكم ورحمة الله وبركاته
ربي يجازيكم خير على الموده الى حسيتها معاكو
كنت بقول لغايه اول امبارح مش هشتكى لاى حد غير الله الرحيم هو بي اعلم وارحم ولا هحكى بالى جوايا
بس دلوقتى حبيت استشيركو وافضفض مش شكوى
الحمد لله على نعمه وفضله
ادخلكم فى الموضوع انا معرفش اى حاجه ف البلد الى انا فيها الا بيتى واماكن بسيطه جدا ولا خرجت لوحدى ولا ركبت تاكسى ولا اتكلمت ف التليفون الا مع اهل زوجي ف البلد الى انا فيها حتى لما روحت لدكتوره النسا زوجى هو الى كلمهم حجز ميعاد
يعنى بلاطه زى ما بيقولو
واهلى ف مصر مش قادره اسألهم علشان ما يتعلقش قلبهم بأمل وربنا يأخره لاسباب هو اعلم بيها
اذا واحده تعرف او تقدر تسألي يبقي جزاكم الله الف خير
انا عندى القولون العصبي الحمد لله على نعمه الصحه
وكمان زياده وخفقان ف القلب الحمد لله
دلوقتى الاعراض من اول امبارح مش بتروح تقريبا
الم ف بطنى من فوق المعده واصوات مع الاكل ومن غير
واكرمكم الله ف الحمام الموضوع بين اسهال وامساك وزاد عليها الم في الجناب واسفل البطن وظهري وبرررررررررررررررد فظيع انا كنت بشغل التكيف على 18 دلوقتى مش بفتحه خالص وبنام متغطيه تقيل غير الدوخه بفضل ف السرير تقريبا ساعه ونص صاحيه على ما اقدر اقوم وعندى احساس بعدم توازن لدرجه انى وانا بصلي بقرا 10 ايات من سوره البقره ف كل ركعه من امبارح مش بقدر اقرا وانا واقفه من الدوخه والنهجان الي بحس بيه
الحمد لله
كمان عندى صداع واحساس بعدم رغبه ف اى اكل
انا بس كنت باخد مسكنات للقولون بين فوار وبرشام لتسريع عمليه الهضم واحيانا مسكنات للوجع
بس من يوم 11 اكتوبر مش باخد اى حاجه وكمان باكل اكل من غير اى دسم علشان لو ربنا اراد يكون فيه حمل ما ااذيش الجنين
انا مش عايزه اتعلق بوهم الحمل وميكونش فيه بس املى فربنا ملوش حدود
اسفه انى طولت عليكم اعذرونى
السؤال بقى هو القولون العصبى والتهاب المعده ممكن تأثر على الحمل ومتخليهوش يحصل ؟؟
امانه الى تعرف اى حاجه ف الموضوع ده ما تبخل عليا
والى ربنا يقدرها وتقدر تسأل اهل علم تحاول تساعدنى
استغفرك ربى واتوب اليك