[أماني آل ظاهر]

السلام عليكم ورحمة الله وبركاته

شحالكم كروشات ؟

بغيت اتكلم معاكم لأني وحيدة ، أهلي فمنطقة ثانية وأهل زوجي يعاملوني كمنبوذة لأنهم ما يحبوني ، ومع إني حامل بتؤأم وتعبانة محد منهم يطق علي الباب ، الشغالة بس وللأسف زوجي عنده دورة شهر ، يعني بآخرتها قاعدة وحيدة ، خاصة بعد ما ترخصت من الشغل لفترة طويلة بسبب آلالام الحمل المضاعفة ، مع أن صعب علي أفتح اللابتوب لأني مقدر أقعد فترة طويلة ، بس قلت أتسلى وأدور عن كروشات بنفس وضعي ، عسب نخفف ع بعض ( قصدي تخففون علي ) لأني حيل تعبانة وتتهاوشني الوساوس من كل صوب ، اتمنى من كل وحدة تقرأ موضوع تدعيلي بثبات حملي لأني تعرضت لنزيف ، وتدعيلي بالحمل الخفيف والولادة الطبيعية ، وعسى ألاقى منكن الاخت الصادقة اللي اتمنى وقفتها معي بهالفترة الصعبة ، تصدقون ترا محد يعرف إني حامل بتؤأم بس زوجي فديته ، وأخاف من كلام اهل زوجي المحبط فقلت أخليها للآخر ، عسى ربي يقومني بالسلامة ويرزقني أجمل تؤأم ، الله يخليكم إذا ما عليكم كلافة تدعون لي بأوقات الاستجابة ، ترا دعوة المسلم لأخيه بظهر الغيب مستجابة ، عليه ملك موكل يقول له : آمين ولك بمثل .


الله يرزق الجميع الذرية الصالحة

الله يخليكم لا تقطعوني ، تواصلوا معي ، ذبحتني العزلة والوساوس