يا حبيبتي يا أسماء يا أم القمرين .. الله يحفظهم و يتمملكم حملهم و ولادتهم على خير و سلامة
فعلا في ناس الله يهديها عندها أسلوب هجومي من غير مراعاة لمشاعر الآخرين .. و في ناس ما تعرف تتكلم بأسلوب حلو و مرتب من غير جرح مشاعر
أنا حاسة بيكي انك اتجرحتي و زعلتي من تعليقات بعض الأخوات .. بس إلتمسيلهم الأعذار .. قد تكون هيا كمان مرت بتجارب سيئة علمتها بطريقة قاسية .. عشان كده ردت عليكي بطريقة قاسية .. و قد تكون هيا كده أسلوبها في الحياة .. الله يهديها .. و قد و قد و قد ... الله أعلم بما في النفوس ..
بس سامحيني ولا تزعلي من نصيحتي و اعتبريني أخت ليكي في الله .. لأني والله صادقة في اللي باقولو .. (( لا تكبريها .. صغريها و هونيها )) يعني لا تعكنني مزاجك على موضوع مو مستاهل .. في حاجات تانية أكبر و أهم في الحياة .. و أولها صحتك و نفسيتك عشان اللي في بطنك ..
و سامحيني برضو .. مش معنى انك مريتي بتجربة قاسية يعني انتي الوحيدة اللي تعبتي أو عانيتي .. لأه يا حبيبتي .. الناس عندها هموم و مشاكل و أحزان ما يعلم بيها إلا الله .. بس مو كلنا بنحكي معاناتنا .. البيوت ساترانا .. و دايما يقولك اللي يشوف مصيبة غيره تهون عليه مصيبته !! احنا ما شفنا هما عندهم ايه من مصايب و ابتلائات .. يعني اللي أقصده كللللللللللللللنا عندنا اللي يكفينا من التجارب القاسية و الهموم و الأحزان .. هيا دي الدنيا !!
بس اللي يصبر ربنا بيعوضه خير .. زي ما عوضك ما شاء الله لا قوة إلا بالله
و لا تنسي الكاظمين الغيظ و العافين عن الناس والله يحب المحسنين .. اكظمي غيظك و سامحيهم و انسي .. عشان ربنا أولا و عشان نفسيتك و اللي في بطنك تانيا .. و عشان تعودي نفسك انك تصغريها و تهونيها و هيا تهون و تصغر ..
الله يرضى عليكي حاولي تنسي و ما تفكري في أي حاجة تعكنن مزاجك وللا تزعلك
الله يقومك بالسلامة يا حبيبتي