[**سماسم**]

في البدايه الزواج قسمة ونصيب ..
صح فيه عوائل متشددين بهذا الشي وأعترف أن عائلتنا متشددين بهذا الشيء وبقوه ومستحيل تطلع البنت إلا في حالات خاصه وبعد مشاورات مع كبار الشخصيه بالعائله ..
وكل عائله أو قبيله لهم عرفهم وعاداتهم مايقدرون يتجاوزونها لان أي تجاوزات يأثر على قوة وسمعت هذي العائله أو القبيله إلي أجدادها تعبو حتى أسسوها وصار لها سمعه تهتز بالمجالس (التجاوزات كثيره لاكن أنا أقصد الحين الزواج ) ..
وللإجابة على الاسأله :

هل أنت او انتي من المؤيدين لزواج الأقارب .... ولماذا ؟
حقيقه مع زواج الاقارب لانه يزيد من تلاحم العائلتين ويوطد العلاقه ..


ماهي سلبيات وايجابيات زواج الأقارب بنظرك؟؟
السلبيات قليله للأمانه ..
لاكن الإيجابيات عديده منها :
- راح يزيد تماسك العائله بحكم النسب وحتى علاقت الزوج والزوجه بأهلهم وعائلتهم تقوى وأنا شايفة هذا الشي بنفسي .
-ماراح يكون فيه خلافات بين الزوجين كبيره لان الزوج مايقدر يقول لقريبته شيء يهينها لان لو أهانها بيهن نفسه أول فراح ينثبر وينطم .
-الطلاق بزواج الاقارب شبه معدوم وإذا صار راح يكون قليل جداً وبحالات خاصه .
- أفراحهم وأتراحهم سواء وهذي أهم نقطه بالنسبه لي ..

هل تتوقع أن المشاكل تكثر بزواج الأقارب بالذات ؟
لاء بالعكس ماراح يكون فيه مشاكل كثيره لانهم عائله وحده وأي مشكله راح تنحل بكذا طريقه وإذا كان كبير العائله من النوع الشديد راح تنحل قبل لاتوصل له ..
أردي جاء بناء على المحيط إلي أنا عايشه فيه ..
وربي يعطيج العافيه روز حوار أجتماعي حلو
,,