مرحبا حبيبتي كيفك... بدي احكيلك قصتي بس اصبري علي شوي طويلة...
انا الي سنتين زواج شربت اول 8 اشهر حبوب منع الحمل و بعد ا وقفتها و انا احاول احمل ما في اشي لما رحت للدكتورة و شافتني( شكلا) حكتلي انتي مستحيل تحملي( لاني دبدوبة كمان هههه) حكتلي انتي عندك تكيسات و مادري اشي , بس الحمد لله اني مثقفة و اعرف حكيتلها انو انا ما عندي ايشي لان دورتي منتظمة من يوم ما بلغت و هي 28 يوم و ما عندي اي مشاكل حتى مع حبوب منع الحمل و كانت منظمة حكيتلها اكشفي علي قبل لما كشفت علي حكتلي ما شاء الله رحمك نظيف كانو رحم وحدة نحيفة(ماشاء الله) حكتلي على تحاليل هرمون الحليب و هرمونات تانيا عملتها و سويتها الحمد لله كل سليم بعديها عملتلي سونار وقت التبويض حكتلي بويضاتك ممتازة حكتلي بس بدي اعطيكي كورس كلوميد 3 اشهر مع تحاميل و انشاء الله تحملي و حكتلي كل ما تجيكي الدورة تعالي عشان اشيك اذا ما في اكياس لان الكلوميد يطلع اكياس لما المراه تكون سليمة لانها اصلا عندها المبايض نشيطة مع الكلوميد بتتضاعف النشاط, ضليتني على الكلوميد 3 اشهر و ما حملت في الشهر الثالث لما اجت الدورة رحت عندها حكتلي انت المشكلة مو فيكي و لما كنت اخذ الكلوميد و اتابع معاها التبويض كانت تلاقي 2-3 بويضات حجمهم ممتاز و جاهزات للتلقيح و كانت تحكيلي كثفي جماع في هذ الايام و ما حصل حمل فحكتلي انت و ضعك ممتاز تحاليلك ممتازة ظل اشي لازم نعلو الي هو اشعة الصبغة عشان تتاكد ان القنوات مفتوحة بس حكتلي هذا احتمال ضعيف يكون عندك لازم زوجك يعمل التحاليل اذا كل ايشي تمام عندو نعمل الاشعة... لما زوجي عمل التحاليل طلع عندو ضعف في الكمية(20000) و الحركة لما اخذت تحاليلو لدكتورة حكتلي اعملو تلقيح حتى الدكتور الي يتابع عندو زوجي حكالو لازم تلقيح عشان تحملو هذا الحكي صارلو 7 اشهر و انا عنيدة اتمرخت و شربت زوجي عسل و طلع النحل و اعشاب و ما في حمل و هذا الشهر راح نعمل التلقيح ضيعت 7 اشهر لو اني عملت التلقيح يمكن كان اكون هلا حامل و الله يا اختي نصيحة بلشي اجراءات التلقيح ما ضيعي وقت بالكلوميد خاصة و انك الحمد لله سليمة و الله اني تندمت على ال 7 اشهر الي فاتو من وقت ما طلعو نتائج زوجي بس كل تاخيرة و فيها خيرة و انشاء الله تنجح العملية بس المشكل العيادة الي عم اتبع فيها عشان التلقح الدكتورة الجديدة حكتلي انو كل اشي عندي تمام ظل يوم الاتنين اعمل اشعة الصبغة و كمان زوجي يوم الاثنين يعمل تحليل حيوانات منوية جديد ( لازم نعمل تحاليل كثيرة) و كمان ناخذ ادوية و راح يعطوني منشطات يمكن كلوميد او ايشي تاني و حكتلي اهم شغلة اني انقص وزن عشان البيبي يمسك و تنجح العملية .... اسفة على الاطالة و انشاء الله اتمنالك كل خير ما تنسي الاستغفار و ادعيلي و طمنيني عنك,, في امان الله.