السلام عليكم ورحمة الله
يا امهات .. بغيت اسألكم متى نحط الطفل في المشاية ؟! هل اذا صار عمره 6 شهور او 7 او 8 ؟
انا ولدي كمل 6 شهور و3 اسابيع .. وكنت بحطه في المشاية بس ام زوجي نصحتني احطه اذا كمل الثامن .. تقول لان المشاية يأثر على العمود الفقري ..
الشي الثاني يا خواتي .. الاكل .. شنهي الاكلات الي اعطيه ..مثلا ولدي اعطيه الصباح .. بسكوت بالقمح مع حليب يستوي مثل السيريلاك وبعد فترة اعطيه حليب واعطيه بسكوت ياكله بنفسه وممكن اعطيه فاكهه مهروسة مثل التفاح او الموز
الغداء .. رز وخضروات (كوسة ، جزر، بطاطا ، بروكلي) وبعدها بساعه او ساعتين اعطيه حليب او فاكه
والعشا .. رز وخضروات وبعض الاحيان بس خضروات ..
متى أدخل اللحوم والبيض ؟ ومتى البيبي يبدأ ياكل الاكل المش مهروس وكيف اهيأه لهاي الشي ؟
اتمنى من ذوات الخبرة يساعدوني وينصحوني والله يخلي لكم عيالكم وازواجكم ويبعد عنكم كل سوء ...
مشكورين مقدما ..