حبيبتي
هادا يعتمد علي طبع الطفل في الرضاعه
انا طفلي من اول يوم ارضعه وهوا كدا
يشرب كم لقمة علي قولتهم ويناااااام مرات ينام عشر دقايق
بعدها يصحي ويفتكر انو ماكمل ويبكي
ومرات ينام اكتر واقل ويصحي يكمل يعني هادي طبيعته فاحتمال بنتك نفس الطبيعه باختلاف
انتي رضعيها لحتى تترك بنفسها وتنام كويس انا قريب شهرين ومافهم لولدي متي شبع ومتي لا
دحين لمن عدي الشهرين ونص بدات من كم يوم افهم له
احس انه اكتفي وهوا بنفسه يبعد نفسه وينام خلاص او يلعب
بالنسبه للصناعي
انا اعطيته عشان يشبعه في حاله الحليب ماكفاه مني
وكمان لو طلعت بره في مكان ماقدر ارضعه او كنت تاركته طواري عند اهلي ولا اهل زوجي يسير يقدر يرضع مايموت من الجوع هادي نصيحه من كل اخواتي واهل زوجي حتي صحباتي
بس اعطيهها كل يوم رضعه وحده صناعي بس لاتزيدي الا في حاله انتي بره البيت او مريضه جدا او بعيده عن بنتك ماتقدري ترضعيها يسير وقتها شي تاني
الرضعه خليها بالليل لمن تتوقعي هاادا اخر وقت تسهرلك فيه
يعني بالاول كنت اعطيها لابني عالساعه 3 او 4 لانو دا الوقت اللي ينام قرب الفجر
بعدين غير نومه سار ينام بدري ويصحي بدري سرت اعطيه هيا قبل نومه ع 10 او 11
ودحين رجع غير نومه ورجعت لليل المتاخر وزي كدا يسيربدي الحاله ياخدها وينام متواصل
لو طبيعي رح يصحي يرضع وينام اما صناعي لا بيطولك اكتر وانتي تعرفي تنامي
يعني الخلاصه
اعطي بنتك من صدرك بس والتوقيف دا طبعها ترتاح وتاخدلها غفوة ممكن زي الي عندي خخخخ
نص ساعه من كل صدر هاد الي قالتلي عليه دكتورة الرضاعه لمن ولدت
لازم تشربي 4 لتر سوايل واحد منهم لازم يكون حليب قدما تقدري بكدا تضمني الحليب يكون عندك كويس
احيانا ممكن تنكد عليكي وسط الرضاعه تبغي ترضع وماترضع
وقفي حطيها علي كتفك وحاولي تمسحي علي ضهرها عشان تتجشأ وترجع الهوا الي دخل وراح ترجع ترضع عادي
مده الرضاعه تعتمد علي الطفل وطريقته او نشاطه زيما قلتي
انا ياخد مني ساعه واحيانا اكتر واول الايام كنت اكره نفسي مع الالم واجلس معاه ساعه واكتر مابين ينام دقايق ويرضع دقايق وياللا لحدما اتغير بعد الشهرين ونص بس برضو مازاال اوقات يرضع ينام بس اتحرك ولا ابعده او بعد كم دقيقه يفوق ويفتكر ويبكي
انتي كلمي بنتك انو هادا وقت الرضاعه الان حليب بعد كدا ماما راح تسوي شغله تانية او ماما تحتاج تقوم تصلي وزي كدا عشان تبدا تفهم وتستوعب انو لك وقت والرضاعه لها وقت
سوري طولت عليكي بس انا تخبطت لمن تعلمت وانا كمان اول طفل وكنت اسال كتيرررر
فقلت اعطيكي كل الي عندي