شوفي انا دووبي طالعة من تجربة مريرة مع الخيوط
وربي معاناة مابعدها معاناة ,, اول ماطلعت من المستشفى قالوا لي الحريم تنقعي بموية وملح ومر
وما شاءالله علي ماقصرت كل يوم اتنقع فيها ,, بالاضافة اني كنت استخدم الموية والملح كغسول زي ماقالوا لي بالمستشفى الحكومي الفقران مافيهم حيل يصرفوا غسول يوم طلبتهم قالوا لا مافي داعي بس موية وملح حسبي الله عليهم
الله لا يوريك كل يوم يزيد الالم وكل ماقول لاحد الالم قوي يقولوا طبيعي
قلت بوقف المر يمكن هي تشد الخياط وتسبب الالم
بس مافي فايدة الالم يزيد كل يوم ماينقص
قلت بوقف الملح ,, والشي الوحيد الي كان يحسسني بالراحة هيه الموية الحارة كنت اتشطف بموية حارة يادوب اقدر اتحملها وبعدها ارتاح عشر دقايق ويرجع الالم من جديد
بالاخير قررت اروح مستشفى ,, وللاسف كانت الصدمة خياطي كللله اتفك
ولما قلت لدكتورة اني كنت استخدم الموية والملح قالت هذا اكبر غلط وعطتني غسول بيتاسبت وكريم ميبو ومرهم فيوسيباكت ومضاد حيوي فعال مو مضادهم بالحكومي الي ماشوف عندهم غيره
والحمد لله اسبوع واحد وبدأ يلتأم الجرح بس طبعا بعد خراب مالطة
فانصحك لا تستخدمي اي شي غير العلاجات واذا انتي ولادتكي بحكومي راجعي من اول اسبوع عند دكتوره شاطرة واطلبي منها علاجات الخياطة المضمونة
ووخري عن الفوط العادية خليكي على فوط النفاسه القطنية ولا تتنقعي نهائي حتى لو بموية لحالها
واهم شي انتبهي لحركتكي بمشيك كوني حريصة ماتباعدي رجولك عن بعض
وفي طلعتك للسرير اجلسي بالاول بعدين ارفعي رجولك ولا تتربعي نهائي
وكثري من كريم ميبو على الجرح
طبعا كل هالشغلات الي اقولها لكي للاسف ماعرفتها غير متاخر بعد مافات الفوت وخربت خياطتي وتشوهت المنطقه عندي
اتمنى تحرصي كل الحرص على الخياطة ترا وربي سببت لي ازمة مو طبيعية وربي كل ماشوفها ابكي ونفسيتي دمار
ربي ييسر لك يارب