السلام عليكم يا بنات كيف حالكم انا اختكم جروح من دبي شاركت فالمنتدى مخصوص عشان انقل تجربتي لكم يوم بيوم والاقي تفاعل لاني مقبله على عملية اطفال الانابيب وخايفة كثير وانا الكبيرة بخواتي ومو متزوجات متزوجة من سنتان وحدث حمل مره من 4شهور ونزل من اول شهر الحمدلله على كل حال والله يعوضني ويصبرني عمري 28 وزوجي 42 مطلق وعنده اولاد اصغر ولد عمره 11 سنه عندي تكيس بسيط واتعالجت منه والهرمونات ممتازه واشعه الصبغة بعد ممتازة ولله الحمد ومافي سبب واضح لعدم الحمل زوجي عدد الحيوانات المنويه 35 مليون ( في حد من الدكاترة اعتبروه ضعيف نسبيا وفي حد قال انه طبيعي ولا يحتاج علاج ) سويت عملية تلقيح صناعي من 6 شهور ومانجحت طوال السنه الماضيه وانا اتابع تبويض وابر تكبير وتفجير عند الدكتورة ولا فاد . الله ماكتبلي وقررت اني اسوي عملية اطفال انابيب مع معارضة زوجي لانه من وجهة نظره انها بلا لازمه وبعد جلسات اقناع وبكي وزعل .. وافق الحمدلله الحين ببدا اكتب اليوميات وماودي اذكر اسم الدكتور او العياده لسبب خاص فيني (رجاء لاتحرجوني ) لاني ماودي اسوي دعايه بشكل او باخر لاي شخص اليوم الاول من الدورة بتاريخ 18/12/2011 رحت المركز وعطوني الابرة التحضيرية lupron depot 3.75 mg سعرها 609 درهم هاي صورة من النت نفس كرتونه الابرة التحضيرية واخذو مني فحص دم علشان يشوفون الهرمونات ووصوفولي حبوب فوليك اسيد تكلفة اليوم الاول 450 درهم كشف الطبيبه + فحص الدم 609 درهم الابرة التحضيرية 13 درهم حبوب الفوليك والحمدلله عندي تامين يغطي هذي الاسعار الخياليه دفعت فقط(( 304)) درهم وقاللولي تعالي سابع يوم للدوره وبكتبلكم التفاصيل بس انتظر منكم تشجعوني وتدعولي انه الله يرزقني الذرية الصالحة واني اضم ضناي بين ايدي واشم ريحته. وافرح قلب امي والله يرزقكم ان شاء الله ولايحرمكم هذه الفرحة جروح