عدنا~~ مرحباا عزيزاتي .. شكوك تساورني .. (نرجع للعامية) بعد كل هالمحاولات وهالخلطات وهالمخدات مافاد شيء ليش ياااربي :( معقول فيني شيء بويضاتي صغااار او رحمي مايل او قنوات فالوب مسدودة او تابعة او زوجي عندوو مشكلة وفوق هالوسواس اللي يقتلني ويعذبني ويؤرقني ويقطعني حتت كل شهررر وبكل بساطة اسمع فلانة حملت واقول ماشاء الله الله يثبته لها ويسهل حملها وادعي لها من كل قلبي لكن فيه غصة في قلبي انا احاول وادعي واتوكل على الله بس مايحصل حمل استغفر الله حتى الزانيات بسرعة تحمل وترمي طفلها بعد !! طبعا في كل موضوعي فيه اشياء صادفتني وفي اشياء لا بس عالعموم هالاشياء كلها قريتها في مواضيع كثيرة وكتبتها على انها موضوعي عشان كل وحدة تقرا الموضوع تقول يالله مثلي بالضبط في الكلام اللي فوق ماتلاحظون انه فيه شيء خطأ ؟؟ اللي لونه احمر راح احط الحلول على شكل نقاط 1: الوسواس اللي من الشيطان الرجيم اللي يقولك يمقن فيك ويمقن لا (يمكن فيك ويمكن لا) هو مايقول يمكن لا لا والله يقولك يمكن فيك ويمكن فيك ويمكن فيك ويمكن ويمكن عندك حاجة من 2 يا إما توسوسي عليه بنفس الكلام << امزح تتعوذي منه وتروحي تفحصي عشان تتطمني على نفسك يا اما تقنعي نفسك انو حتى اللي بويضاتها صغار واللي فيها تابعه او فيها بلاوي الدنيا كلها تحمل بفضل الله وكثير حملو وعندهم مشاكل ولابد من بذل الاسباب يعني برضو روحي المستشفى وكلك يقين انو انا بذلت بالاسباب وربنا الراااازق لو ايش اللي فيه 2:مين الاقوى الله ام المرض اللي ابتلاك الله فيه ؟ حتى لو مرضك وسواس في موضوع الحمل واانتي سليمة يعني بس تفكري في الحمل مين اقوى ؟ الاجابة بديهيه الله اكيد طيب هل تؤمنين بهالشيء بكل قوووة ؟ اذا قلتي اكيد طيب ليش تفكرين في الحمل كثير او في مرضك كثير اذا تؤمنين بإن الله القوي اذا اتركي كل شيء له لاتفكرين في الحمل ولا انو مرضك يمنعك من الحمل واسمعي هالقصة هي عقيم ورزقها الله ~~ خذي العلم من الراسخون في العلم روعه اسمعي هالمقطع لايفوتك ابدا 3: بالنسبة للكلام اللي باللون الاحمر فوق انو فلانة حملت بسرعه وانو الزانيات تحمل الوحده بالغلط وفي ثواني هالكلام اللي نفكر فيه واحنا يائسين بالنسبة للي حملو قبلك وهم ممكن تزوجوا معاك او بعدك او او او او هذي ارزاق كاتبها الله لكل انسان من قبل مايولد والزانية حكمة.. الله اعلم بها مابغى اقول شيء من راسي لكن سؤال اسأليه نفسك إذا المسأله رزق ومكتوب قبل مانولد ليش افكر كذا واتعب نفسي ؟ ليش ما اقول ان الله كاتب رزقي في يوم معين عشان ربي اراد لي الخير اراد يرزقني بطفل صالح او ربنا عارف انو انا الان اذا حملت ممكن اتعب فيأخره ويبتليني عشان اصبر ويقوى صبري وتحملي فيرزقني بعدها عشان احمده واشكره واعلمه الصبر واني كيف تعبت في هالدنيا؟ او ربنا اعلم بالظروف يمكن احمل وزوجي تسوء حالته او يحصل شيء لا قدر الله اكيد ربنا ما يرزقنا بشيء الا في وقت محدد وهو اعلم بالحكمة وبالسبب وووو احنا علينا ندعي الله وماننتظر اجابة ولا نيأس ولا نقول ليش انا سويت كل شيء وونسعى على قضاء حوائجنا بالكتمان كما امرنا الرسول صلى الله عليه وسلم "استعينوا على قضاء حوائجكم بالكتمان فإن كل ذي نعمة محسود " رواه الطبراني- وايضا نتذلل لله ونخضع له ونبتعد عن المعاصي ونربي انفسنا صح عشان لما نرزق بأطفال نعلمهم قيم الاسلام ونربيهم احسن تربية (ياما شفنا ناس ياااااارب ارزقني يارب يارب ووتحمل وتولد وتربي طفلها استغفر الله بأسوء الطرق وتزرع فيه قيم سيئه وتقول التربية صعبة وهي فقط ترعاه مش تربيه فهمسة لكل وحده تبغى تخلف الشيء اللي تبغيه في طفلك تربي انتي عليه وبكل بساطه حيكون زيك لأن حرام ربنا يرزقنا بنعمة من افضل النعم ونسيء لها بهالطريقة يا اما تربية سيئة يا اما اهمال في اهمال واذا مرض تعالجي منه وخليك قوية واطردي الشيطان اقوي عشان زوجك يقوى كمان معاك وتوكلي على الله وتذللي له في اخر الليل والله ان سهام الليل ماتخطئ ابدا ابدا ابدا حل اخير وكثير سمعته وقريته لكن ماطبقته ابدا اشغلي نفسك عن التفكير بالحمل وانتي راح تحملين طيب كيف نشغل نفوسنا ؟؟ قرآن احفظيه عشان تعلميه اطفالك بإذن الله مين ماتبغى ابنها يكون إمام مسجد ولا إمام الحرم المكي او النبوي او بنتها من حفظة القرآن ؟ تعرفين ايش فضل حفظ القرآن ؟ افتحي قوقل واكتبي فضل حفظ القرآن لاتتكاسلين المسألة تك ويفتح قوقل حتى لو الموضوع طويل اقرئيه ماراح تخسرين شيء لانو ياما قرينا روايات وشفنا افلام يالله بالساعات جات على موضوع صغير وثماره عظيمة ؟ (عندي فكرة نسوي قروب نحفظ فيه قرآن ونسمع لبعض كتابة) شيء ثاني اشغلي نفسك به تعلمي اشياء جديدة صعب هالشيء ؟ مو صعب لكل شيء خطوات ابدأي اشغلي نفسك بأي شيء وقولي انا لها وانا قدها وتعلمي لغات او زيني بيتك بنفسك او او او او او الدنيا مليانة اشياء نتعلمها واحسن الاشياء اللي تتعلميها اللي تفيد زوجك واهلك وعيالك وكل من حولك سواء لغة او اقرئي في دينك او اي شيء تحبيه خلاص من الان ورايح مانفكر في الحمل اذا فكرتي فيه اصرفيه عن مخك صدقيني اذا كنتي قويه عليه راح تقويين حتى الاشخاص اللي حولك بالذات زوجك حيقوى معاك وحيصبر اما اذا كنتي ضعيفه على هالوساوس ونقلتيها لزوجك يصير حتى هو متلهف او غاضب او او او ومش بعيد يتزوج او اي شيء ثاني اما لو صبرتي وبينتي له انو الموضوع بيد الله مش بيدنا واذا ربي مثلا مارزقنا هذا خير لنا كم من طفل في هالدنيا بدون أب وأم يحتاج ضمة منك يالله قد ايش راح تحصلين على اجر وثوابه عظيم إشراقة~~ ( لاتنسي كوني عظيمة حتى يكون اطفالك عظماء زيك ) ولاتنسووون الدعاء يابنات سبحان الله بالدعاء والتذلل ربنا يرضى عنا ويرزقنا الاستغفار ليش ربنا من بعده يرزقنا كما جاء في الاية لأنه بمجرد ماربي يغفر عنك هذا يعني ان ربي راضي عنك غفر لك كل ذنوبك وبعد الغفران يرزقك ويرضيك سبحان الله { فقلت استغفروا ربكم انه كان غفارا (10) يرسل السماء عليكم مدرارا (11) ويمددكم بأموال وبنين ويجعل لكم جنات ويجعل لكم انهارا (12) } وانا اسفه لو طولت عليكم وان شاء الله راح ارد على ردودكم كلها
للتفاؤؤؤؤل