وحدة من قريبات زوجي (زوجة أخوه) أسئلتها كثيرة , وأنا من النوع الانطوائي أصلا ما أحب أتدخل في شؤون غيري ولا عمري سألتها عن خصوصياتها بس ذبحتني بتطفلها بالله شوفو أسئلتها تعتبر عادية وطبيعية ,, أو أنا إللي حساسة بزيادة ؟!!
* يوم طلعتوا منا ذاك اليوم وين رحتوا ( أنا و زوجي)؟ بيتكم أو مكان ثاني ؟
* من جابك من أهلك ؟(بتشوف هو زوجي أو أحد من خواني)
*وش تلبسين عند زوجك ؟
*تحطين مكياج في البيت؟
*إذا رحتو المطعم تتزينين ؟ ما قلت لها إنا نروح لمطاعم أصلا!
*قد قالك :أحبك؟
*يغار عليك؟
إذا كان موديني لأهلي (في مدينة ثانية) تسأل وين ينام ؟
*إذا كان زوجي سهران عندهم . وقابلتها بعد كذا قالت متى جاك ؟ هو طلع الساعة كذا من عندنا؟
*عالجتي ؟ وش سويتي وش قالت الدكتورة ؟
درت إني أعالج أذتني كل ماشافتني سألتني وش سويت ؟
*أنتي دارية إنه قبل ياخذك قد خطب فلانة وعلانة ؟
*هو يعصب عليك؟
*ماتفننين بالطبخ له؟
طبعا هذا اللي أذكره من أسئلتها ... المشكلة إني إنسانه أمقت الأسئلة والتدخل فيما لايعني ... ومرة زهقت منها ورديت عليها وقلت لها كم مرة تسألين وش ذا التحقيق ؟
المشكلة إنها كل فترة تعيد أسئلتها نفسها وأنا قد جاوبت عليها
وش أسوي مع إللي زي كذا ؟؟
وأهم شيء بالله عليكم أسئلتها طبيعية ؟