[رحيق القلوب]

ما ادري احس الناس فاهمه مسالة الدراسه والوظيفه غلط
يحسبون انو المتوظفه واللي تدرس تنشغل عن زوجها وبيتها وتقصر ببيتها هذي ياقلبي ترجع لنفس البنت اذا مهمله وع امها في طريقة تربيتها ونصايحها وتوعية بنتها ياقلبي مين قال انو هذا الشي يكون سبب بانشغالك عن زوجك حبيبتي يمكن بعض الناس مو منظمين حياتهم ومهملين هذا شي ثاااني
لكن الحرمه الناجحه اللي تسوي لها جدول وتهتم بنفسها وببيتها واولادها وزوجها
مو تصير مهمله وتاركه بيتها وزوجها بسبيل تتحجج بالدراسه كلنا درسنا والحمدلله وزوجي ماااااحس بيوم اني كنت مقصره او متغيره بالعكس عندك الخميس والجمعه رتبي اوضاعك اطلعو روحو تعالو تسوين اللي تبغين والله حتى ايام الدراسه بس فيه ناس كذا سبحان الله نفسيا او مو عارفين يرتبون انفسهم
والموظفات تبغين تقنعيني انو كل موظفه زوجها مهملها وبيتزوج عليها ومو مرتبه ومو سنعه بالعكس طالعي حولك كل تلقين زوجها ميت عليها ومفتخر فيها ترا الزوج حتى لو يكابر يحي المراه الناجحه الطموحه واتحدا اي رجال يقول عكس كذا بالعكس تلقينها تكبر بعينه ومستواهم المعيشي افضل من غيرهم سفريات كل سنه دلع وتلقينها ببيتها معروفات ياقلبي الموظفات يكونون احسن من غيرهم ولا احد يكابر حتى بطبخها وتفننها
معليش بس انا اخالف الراي انو الوحده لاكانت موظفه ولا تدرس اكيد مهمله واكيد زوجها بيتزوج عليها مع احترامي اشوف العكس
والزوج مايقول لزوجته اتركي الدراسه او استقيلي من الوظيفه الا اذا شافها مضيعه الطاسه ومهملته ومهمله بيتها وعيالها اما السنعه بالعكس تلقين زوجها مبسوط وتكبر بعينه ويعينها ع دراستها لانو نجاحها من نجاحه والعكس
هذاك تفكير رجال اول من ناحية الدراسه اما الحين مستحيل كل رجال شرطه تكون معلمه ومثقفه انا اخوي لما كان بيخطب قال ابغ وحده متعلمه جامعيه مو اخواتي والكل اللي حول متعلمات الا زوجتي اسمحي لي بس حتى بالتفكير والتربيه يكون فكرها غير
ولا ننسى احاديث الرسول ع العلم
((قل هل يستوي الذين يعلمون والذين لايعلمون))
العلم يرفع ناس كانو ولا شي
عمر ماكانت الوظيفه والدراسه عائق امام اي متزوج او متزوجه الا كما اسلفت اذا كانت مقصره بواجباتها وماتقدر توفق واللي ماعندها طمووح