السلام عليكم ورحمة الله وبركاته
كيفكم اخوتى فى الله
بس حبيت استفسر منكم على كام حاجه واملى فى الله كبير انكم ما تردونى وما يضيق صدركم بى لانى بخاف اسأل حد من اهلى فى التليفون وبعدين تنزل الدوره ويطحطمو نفسيا وما بتابع بقالى اكتر من شهر ونص مع اى دكاتره
بدخل فى المفيد
شهر نوفمبر اخدت كلوميد حبه واحده فى اليوم ل 5 ايام وما حصل حمل الحمد لله
من تانى يوم فى الدوره وانا يا بشرب عصير اناناس فريش يا باكل اناناس ومعاها كاسه مرمريه كل يوم لليوم ال 14 من الدوره ووقفت
انا اعراض الدوره كل شهر عندى موجوده بقالها يمكن 5 ايام ودورتى الحمد لله منتظمه جداا الحمد لله لو ما جت اليوم ال26 بتيجى فجر ال 27 الحمد لله
اخر دوره ليا كانت 15 ديسمبر وعملت تحليل دم يوم5 يناير ب كلير بلو وكان سلبى وعملت تحليل تانى يوم السبت 7 يناير وكمان كان سلبى الحمد لله على كل حاجه ووقتها كنت بستسلم خلاص على قد ما كان نفسى يطلع خطين علشان ابشر جوزى قبل ميعاد الدوره على قد ما فوضت الامر لربنا وقلت خلاص ربى يعوضنى ويصبر جوزى
وقعدت استناها وعلى كل صلاه كنت بشيك على نفسى ولما ملقيش دم اجرى اتوضى واصلى الفرد وركعتين شكر وفضلت كده من يوم الاحد لغايه دلوقتى وطبعا هتجنن عايزه اعرف فى حمل ولا لاء وطبعا جوزى رافض تماما انى اشترى تحليل او اروح للمستشفى وقالى لو مفيش حمل هتجيلك خلينا مش متأكدين وندى ربنا وقت ( ان الله يستحى الا يجيب دعوه داعى )
وان شاء الله ربى يكرمنى ويكرم كل الى بيقول يارب بالحمل السليم
ولو اخدت مسكنات وفى الاخر طلع حمل يا ترا غلط؟
طيب لو مش هتنفع المسكنات ايه الاعشاب الى ممكن تتشرب ولو فى حمل ما تأذيش الجنين ؟
سامحونى يا بنات بس ما عندى حدا يفيدنى غيركم بعد الله سبحانه وتعالى وضاق خلقى وانا بدور على حاله زيي بالظبت ومعاها نفس الى بحس فيه بس ما لاقيت وزى ما قلت ليكم قبل كده انا مغتربه وما بعرف حدا فى البلد دى حتى صاحباتى القريبين ليا فى بلدى لسه ما اتزوجو
كمان ما بقدر اروح على دكتورتى الا بعد ما يعدى موعد الدوره باسبوع لانى عندى تامين صحى وصنفت حالتى من شهر ونص عقم لاسباب غير معروفه لان كل تحاليلى سليمه وتبويضى الحمد لله كان كويس وبعد ما اخدت الكلوميد وما حصل حمل ولان العقم لا يخضع للتامين الصحى ف بصراحه غاليه كتير المستشفى لو على حسابى الكشف فقط 200 درهم والالترا ساوند ب 500 درهم لوحده انما لو الدوره اتأخرت يبقى حتى لو مش حمل هتعالج تاخير الدوره انما مش هتعالج العقم
سامحونى على الاطاله بس واللهى ضايق صدرى من التفكير والتعب وما عندى حدا افضفض معه غيركم
افيدونى
ربنا يكتبلنا الحمل السليم العافى المعافى العاجل غير الاجل ويفرحنا بشوفته سليم