اولا الله يعطيكي الف عافيه على الموضوع...بالعكس انتي ماقلتي إلا الشي اللي
يفيدنا كلنا.....و الشعر زي ماقلتي اكيد تغير عن اول...قبل ست سنوات...
يعني قبل الزواج... شعري كان ماشاءالله يضرب به المثل بالرغم اني ماكنت اهتم فيه....
ناعم بس مو سايح و صحي و فيه لمعه حلوه....و ما كنتت اعرف شي اسمه استشوار
الا بعد الزواج...بس من كثر الصبغات و بعد الحمل و الولاده شعري تغير حتى نوعيته صارت
ضعيفه.....و تركت الصبغات تقريبا اكثر من سنتين و نص....اريح شعري...وما استخدمت
لشعري شي معين...يعني زيوت بس زي مثلا خليط الزيت الثلاثي ( زيت الزيتون-خروع -
لوز مر)... و احيانا...زيت سمسم...و كمان عصير جرجير...طبعا مع الغذاء داخليا..
صح الاقي تحسن بس مشكلتي ما استمر....وحاليا اعاني من تساقط شعر بسبب القشره...
و انا حاليا ابغى استخدم زيت القطران...مفيد لفروة الرأس و يعالج الشعر من الجذور...
بشهادة كثير من الاخوات في المنتديات و تجاربهم....
و سويت بحث طويل عنه...و لقيت كثير استفادوا منه...و خاصة اللي شجعني تجربة
اخت( احلى ام )...شجعت البنات...و جربوا و استفادوا و كتبوا تجاربهم...و يدعولها...
و كتبت موضوع استفسر عنه في هذا القسم للأسف مافي احد عبرني ...لاني ابغى النوع
الاصلي.... و ان شاءالله اذا لقيته بستخدمه واذا لقيت نتيجه اكيد بخبركم.....و اكتب تجربتي
وانا متفائله و متوكله على الله...
معليش قرقرت.....بس انا من النوع اللي احب الإسهاب...و اتمنى الفائده لي و لغيري...
و دمتي بود....