أنا حامل في نهاية الثامن وهادا أول حمل ليه ..الله يتمم لي على خير ..
المهم زوجي من الشهر السابع وهو يقولي لما تدخلي الثامن حوديك عند أهلك
انا أقله إدا شفت نفسي أحتاج أروح حقولك وكم مره يكرر الكلام دا خلاص سرت احس
انه طفشان مني سبحان الله واحنا لما يتعبو رجاجيلنا نقطع نفسنا عشانهم ..
وطبعا أصريت ماروح عند أهلي بس الزن مستمر ودحين داخله التاسع ونويت أروح عند أهلي
وهم بنفس المنطقه قال خلاص أوديك وأنا أروح عند أهلي"حتوحشيني مدري كيف حسوي بدونك"هه.. كرهت بيتي .. المفروض هو إلي يصر على جلوسي في البيت ويدلعني ويخرجني عشان يخفف من توتري ..
صح كلامي ولا لا ؟؟؟؟