لا حبيبتي ,
دكتورتك قصدها عنق الرحم سميك ..
انتي اتخيلي ان عنق الرحم زي الانبوبة طولها 3 سم وهي في الوسط بين المهبل والرحم
يعني هي البوابة اللي تخرج الجنين من الرحم لحد المهبل
وهذي البوابة علشان يخرج الجنين لازم تفتح 10 سم يعني تصير واسعه لانها مقفله من تحت
وكمان لازم تصير رقيقة مو سميكة علشان يقدر البيبي يعدي منها
تخيلي انبوب حديد وانبوب من بلاستيك رقيق زي النايلون اي واحد فيهم اسهل انك تتطلعي منه شي وتعصريه؟
عنق الرحم يفتح ويتوسع ويصير رقيق عن طريق تقلصات الطلق
وعلشان يبدا الطلق او تساعدي انه يبدا ماعندك الا الجماع لان ماء الرجل يسوي تقلصات
او انك تاكلي رطب طازج لانه يسوي نفس المفعول او تشربي سوائل دافيه زي القرفة والنعناع ولاتنسي المشي
اتمنى اني وصلت المعلومة بطريقة سهله وربي يهون عليكي وتجي تبشرينا يارب بولادة سهله
وهذي صورة ان شاء الله توضح
اول صورة على اليسار فوق عنق الرحم بشكله الطبيعي مقفل وسميك
وبعدين مراحل كثير لين توصلي اخر صورة يمين وهو فاتح 10 سم ورقيق
وهذا هو المصدر الرئيسي لكل الم الولادة ..اللي هو عنق الرحم
يعني مجرد مايفتح 10 سم وتبدئي تدفعي الجنين ماراح تحسي ان شاء الله الا بالدفع وخروج الجنين بدون الالم اللي انتي تتخيليه