السلام عليكم جميعاً
حبيباتي الحوامل حبيت اسالكم سؤال محيرني
اني اول مرة اصير حامل وبعد سنتين زواج
وقبل فترة صارت بية حالة اول مرة اشوفهة
وهي الكآبة..والغيرة
خواتي مااعرف شنو صايرلي قبل فترة صارت عندي كآبة وكارهة الدنيا وبس احد يكلمني ابكي
وماخليت ادعية وقرآن وصلاة لكن فترة وراحت
وحالاً وساوس براسي مجننتني حتى من اريد انام
مااعرف ليش بديت اغار على زوجي واشكك بكل كلمة يكولهة
المشكلة وبكل تواضع اني عقلي كبير واعرف انو الغيرة المفرطة تسوي مشاكل وتضيع الحب
والمشكلة الاكبر اعرف انو زوجي يحبني ويموت فيني
بس هو يحب يمازح الكل وحتة البنات الي بالفيس بوك
اني اعرف الي ديصير بية غلط ومتأكدة زوجي يحبني
بس مو بيدي تعبانة نفسيتي وبس افكر احس تصرفاتي راح تسويلي مشاكل اني في غنى عنهة
ياريت ياريت تكولولي الحمل يسوي هذا الشي
واكو حامل مثلي صار بيهة الي ديصير بية
الله يبعد كل هم وغم عنكم جميعا