[حياتي بدر]

سلام عليكم ورحمة الله وبركاته


صباح الخير عليكم حبايبي

كيفكم واخباركم وعلومكم وكذا يعنى >>ياليل مطولك

المهم قبل كذا وعدتكم اعطيكم بعض من وصفاتي اللي اسويها وتعجب الكل الحمد لله

وقلنا طبعا الطريق إلى قلب الرجل معدته >>الله يستر بس

المهم سويت أول طبخه وصورت كل شي بس اعذروني لاني سويتها بسرعه زوجي جا فجأه وخبصني يالله قدرت أصور الخطوات معاه >>>الجوع ذبحه مسكين

المهم راح نبدأ بالمقادير


صدرين دجاج مغسوله كويس بالخل ومقطعه بالطول


2 فلفل رومي مقطع شرائح طوليه

2 كوسه متوسطه مقطعه شرائح طوليه

1 بصله متوسطه شرائح

2 فص ثوم مهروسه >>بعد ماتقطعيها رشي عليها شويه ملح واهرسيها بظهر السكينه



1 جزره مبشوره ولو تحبي قطعيها أصابع على حسب رغبتك


بهارات كاري تقريبا ملعقه كبيره

ربع م بهارات مشكله

ربع ملعقه كمون

صويا صوص >>كميتها على قد ماتحبي درجة الحلاوه في الاكل



مكرونه مسلوقه بدون ملح >>>>انا افضل احط شكلين مو واحد

وطبعا زيت وطاوه والفرن وملعقه للتقليب >>>>>لا ياشيخه

راح اعطيكم الطريقه بالصور

اولا :
سخني الزيت واضيفي عليه البصل والثوم وقلبي اللين يصير البصل شفاف >>نسيت اصور الخطوه ذي

ثانيا : اضيفي الفلفل الرومي وقلبي شويه


ثالثا : اضيفي الكوسه وقلبي شويه


رابعا :اضيفي البهارات وقلبي اللين تطلع ريحتها


خامسا : اضيفي الدجاج وقلبي كويس اللين يصير الدجاج نص استوى



سادسا : اضيفي الجزر المبشور وقلبي وغطي عليه اللين يستوى الدجاج على الاخر


سابعا :في أثناء ذلك اسلقي المكرونه في شويه مويه وزيت بس بدون ملح لان الصويا فيها ملوحه

ثامنا : بعد مايستوى الدجاج ضيفي عليه المكرونه والصويا وقلبي كويس




تاسعا : جربي الملح إذا كويس او زيدي لو يحتاج وطفي النار وقدميه بالهنا والعافيه




دعواتكم لي ولا تنسوا الشرط >>>صحنين من الطبخه

اشوفكم على خير واستودعكم الله الذي لاتضيع ودائعه