[امل في الله]

السلام عليكم اعز اخوات
الحمد لله الحمد لله الحمد لله الحمد لله حتى يبلغ الحمد والشكر منتهاه يا رب العالمين يا ارحم الراحمين ياقريب يا مجيب يا سميع الدعاء يا مجيب الرجاء

واللهى يا بنات مش عارفه ابتدى منين
من بشر الصابرين ولا ولسوف يعطيك ربك فترضى ولا ان مع العسر يسرا ولا انما يوفى الصابرون اجورهم بغير حساب ولا ( الا بذكر الله تطمئن القلوب )

قبل ما اقول التفاصيل بشكركم كل واحده دعتلى واتمنتلى الخير وواللهى العظيم ف صلاتى كنت بدعيلى وبدعيلكم فى بنات بدعيلها بالاسم وبنات بدعيلها بس محبه فى الله ربنا ينعم علينا بالحمل السليم يارب
انا دورتى الى فاتت كانت يوم 12 يناير والحمد لله مجتش والنهارده الصبح عملت تحليل وظهر بعد ربع ساعه بس كان من النوع الرخيص اسمه اكون لان جوزى نزل امبارح بالليل متأخر مخصوص يشتريهولى بعد ما اترجيته مالاقى غير النوع ده
ممكن تكون النتيجه مشكوك فيها بس واللهى العظيم انا من يوم التبويض عندى يقين بالله ان ربنا مش هيكسر بخاطرى واشتري النهارده 3 تحاليل وهعمل واحد بعد شويه وواحد تانى الصبح وان شاء الله يأكدو الحمل والسبت بأذن واحد احد اعمل فحص دم
واللهى العظيم يا بنات انا من اول ديسمبر ما رحت لاى دكتور ولا حتى اخدت علاج
والحمد لله الحمد لله التزمت بالصلاه اكتر وكنت بصلى قيام ليل مش كل يوم للاسف بس ما فى مره سجدت فيها الا واستغفرت ربنا وقلت استغفر الله العظيم الذى لا اله الا هو الحى القيوم واتوب اليه كتير كتير كتير كتير كتير
والحمد لله بنتصدق عن طيب خاطر الحمد لله
والحمد لله بشغل القرآن على طول وبدعى يا بنات وسلمت الامر لله وسألت ربنا لو مش رايد لى الحمل يشغلنى بغيره وفكرت اعمل دايت وابتديت فيه الحمد لله ومع كل دعا الاقى فكرى رايح للحمل ومرات كتير احط ايدى على بطنى واقول اللهم انى استودعك ما فى رحمى انت الذى لا تضيع ودائعك فلو لى نصيب فيه يارب فرحنى بشوفته سليم ولو مالى نصيب ثبت ايمانى وارفع عنى الحزن والزعل حتى بعد ايام التبويض
الحمد لله الحمد لله الحمد لله
انا وجوزى الحمد لله كنا اتفقنا اننا هنصبر ومش هنروح لدكاتره مادام كل حاجه سليمه بس بشرب مرمريه واناناس وهو بياكل بلح ونظمنا الجماع
الحمد لله يارب على كل نعمك التى انعمت بها علينا
ويارب فرح قلب كل مؤمنه بيك يارب اقضى حوائجنا وفرج كروبنا ويسر امورنا واجعلنا من عبادك المقربين
ربنا يرزق كل سائله بالذريه السليمه المعافه واشفى يارحيم كل مريض

ادعولى يابنات يكون حمل ويكون سليم وانا ربى اعلم بدعيلكم من جوا قلبى
واذا حبيتو تسألونى على حاجه انا تحت امركم
وصلى وسلم وامن وبارك على اشرف الخلق سيدنا محمدعليه افضل صلاه وازكى سلام