فينك يادندوشة حطينا اللي تبغيه 
.
حلوات كاقتراح ايش رأيكم تعملوا تقسيمة للمشتروات ..
الشهر الخامس للملابس بكل انواعها اللي ذكرناها + البطانيتين
الشهر السادس مستلزمات الحمام من بانيو ومناشف وادوات وغيره
الشهر السابع السرير ومفرشه ونسينا نقول لازم زبالة مخصصة لملابس البيبي
الشهر الثامن للرضاعات ومستلزمات الرضاعه
الشهر التاسع حتصيري بطريق يادوب اول اسبوع تجيبي التوزيعات والحلويات وطقم استقبال لكي وكم شي بسيط للنفاس
ولاحظتوا من الاسعار التقريبة انه تقريبا كل قسم من فوق حيكلف قرب 500 ريال او اكثر طبعا خاصة قسم السرير لانه يعتمد من فين تجيبيه ,,والمفرش برضو سعره مابين 300 و500 علشان كدا قلت لكم اشتروا البطانيتين مع الملابس اريح .
والرضاعات مع جهاز التعقيم اذا حبيتي تشتريهم برضو قرب 600 او 700 ريال حس تكلفة ونوعية الرضاعات والجهاز .. وممكن يكلفوا 500 او اقل
فالتقسيم اولا يسهل عليكم تشتروا بهدوء ورواقة بدون تسرع او نسيان
وكمان تقسموا الميزانية ,, يعني لو كل شهر تصرفي 500 او 1000 احسن من من انك تصرفي 3000 او 4000 خلال شهر واحد لانك خرجتي اسبوعين ورا بعض لكل المقاضي.
وكمان تسلية , لو اشتريتي كل شي بتطفشي ماعندك شي تسويه ,, اخرجوا اتمشوا واكتشفوا ايش في السوق وخدوا فكرة عن الاسعار وسجلوها مو لازم تشتروا في وقتها
يعني انا خلصت الملابس بس الباقي لسه , لكن عرفت ايش ابغى طقم حمام وبانيو وصندوق مثلا .. بس كان لازم اشوف كذا مكان علشان اشتري شي عجبني مو اتسرع والقى احلى مثلا في مكان تاني