[MميميM]

س:اللغه الانجلش عندي مش ولى بد يعني اقدر اطلب يدوب يعني اجمع كلمه كلمتين على بعض فهل راح تشكل اللغه عائق على سفرتي ؟؟؟؟؟؟؟
شوفي ياحلوة اذا زوجك يعرف يتكلم انجليزي خلاص انتي ولايهمك خلي كل شي عليه ^_^

س:انا راح اروح مع شركه هما راح يحجزوا لنا الفنادق ووسائل المواصلات والسواق اللي راح يوصلنا للمناطق السياحيه ابغى اعرف مدى مصداقيه الشركات السياحيه (ولو حابين اذكرلكم اسمها )
مااعرف عن الشركات انا وزوجي رحنا بتخطيطه ماشاء الله وكانت رحلة روووعة
طبعا هوا كان يدخل المواقع الاجنبية ويشوف رأي الاجانب في الفنادق والاسواق وكل شي
لانو الاجانب ماعندهم مشكلة يدفعو بس اهم شي يكونو مرتاحين

س:كيف طريقه الحجاب هل البس عبايه ملونه ولى عبايه سودا ؟؟؟؟؟؟؟؟
على حسب الجو كيف راح يكون هناك يعني خدي 2 وحدة سودا ووحدة ملونة
انا اشوف السودا شياكة اكتر من الملونة

س:ابغى اعرف المناطق والملاهي الحلوه هناك اللي انتم زرتوها بانفسكم ؟؟
اهم شي لايفوتك روحي فلل(سن واي لاجون) فيها مسبح خاص فيكي انتي وزوجك مرررة روعة وهادي صورة



وكمان السوق في(سن واي لاجون) حلوو الكشكات الصغيرة عندها اشياء حلوووة
~~~~~~~~
وكمان لاتفوتك لنكاوي(رحلة المانجروف)رحلة في البحر
كمان في سوق في برج برجايا مررررره حلو 10 ادوار وفي ملاهي حلووة هادي صورة


نصيحتي لك,,
اذا كنتي تحبي القراءة خدي معاك كتاب في الطيارة لانو الرحلة طويلة شوية وطفش
وكمان لاتنسي الكاميرا والشاحن
وخدي معاكي(الله يكرمك)جزمة مريحة لانو الصنادل ماتنفع مررة تتعب
اهم شي الهدايا والتذكراات لنفسك ولأهلك
ووووبس واذا تحتاجي اي شي انا حاضرة ^_^