هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1600x1200 الابعاد 534KB.
مقلوبة غنيه عن التعريف
بس ممكن طريقتي تختلف للبعض
انا دائما كنت اقولكم اني اسلق اللحم او الدجاج مع بهارات صحيحه
وبعدين تجي اختراعاتي للاطباق
طبعا انا هنا سلقت الرز نص استواء واللحم اور ريدي مستوي
اقطع البصل والثوم والجزر ابشر شوي بس <<< احبه مع الحمسه هو والفلفل الرومي
احمسها او اكشنها لحد ماتتسبك وتذبل اضيف لها اللحم عشان يتسبك والبهارات اللي عندك اهم شي مطحونه وماجي مكعب لان اللحم والرز مملح بس هالمكعب للتبيل
في قدر ثاني احط الطبقه الاولى اللحم مع الحمسه
والطبقه الثانيه خضار مقليه انا حطيت كوسا وباذنجان وبطاطس
الطبقه الثالثه الرز نص استواء
اكون مخليه شوي من موية السلق تقربا بيالتين واضيفها من فوق الرز بالتساوي واوطي على النار مررره واغطي القدر بقصدير
نسيت اقولكم قبل احط الرز انا منقعه زعفران بشوي موية سلق اللحم ارشها واحط الرز وبعدي باقي الطريقه
وعند التقديم اقلبها << لاياشيخه احلفي هع
السلطه بسيطه جدا
تحطين الطبقه الاولى خس امريكي انا اذا كان مو موجود احط الخس العادي يمشي الحال
والطبقه الثانيه خياااار شرايح وبعدين اقطعها انصااف عشان تدخل في فمي بيسر وسهوله هع
والطبقه الثالثه طماطم شرايح رفيعه وبرضوا اقطعها انصااف عشان انتم عارفين الباقي خخخخخخخ
الخلطه اللي على الوجه علبة زبادي
ملعقتين مايونيز
ملعقتين كاتشاب
ملعقه سكر خشن
ملح رشه
ليمونه معصوره واخلطها واصبها على الوجه <<<يوووه تتعب الكتابه
الايدام خضار مشكله مقطعه مكعبات واضيف عليها موية السلق واغطيها لحد ماتستوي الخضار
<<شفتوا طريقتي بسلق اللحم او الدجاج كيف مفيده واقدر اسوي اشياء كثيره منها
يتبع