~~~~~~~~~~~~~~~~~
أناماأبي من الدنياسوى لحضة لقى وحده-
أبي أطيح من طولي على صدرك وتحضني!!
تعبت أشدبك حبل الشوق وأمده..
أبي أشكي على صدرك عطش هالحب !!
أرويني..دخيلك لاتخليني ترى صبري وصل حده..
"أهيم بعالمك طفل أمانه لاتخليني؟؟!
"أحبك"
~~~~~~~~~~~~~~~~~~~~
تعلمت ان العطا لوزاد عن حده خطا
تعلمت ان الجميل مايملا كفوف البخيل
تعلمت ان العيون اذاعشقت تصير ستروغطا
وان أصدق دروب المحبه ماتبغى دليل
بس إنت
<<أغلامن مشى على الأرض وطا>>
وصدقني
"غلاك مومحتاج لدليل
~~~~~~~~~~~~~~~~~~~
خل السوالف أنا مشتاق لعيونك.
عجل وشف لك طريقه نلتقي فيها.
لاتخلي الشوق يذبح حال مجنونك.
لاجتك فرصه طلبتك لاتعديها إترك هلابك وكيف الحال وشلونك.
جلسه معك تسوى الدنياومافيها..
~~~~~~~~~~~~~~~~~~~~~~
ِانا وشلون أبتغلى وكل اللي معي يفداك
وأنا وشلون أناديلك ومثل الروح تسكني
وصفتك للخيال .. وفز من طوله يبي لقياك
وترى عن وصف باهر وصوفك عجز فني
حبيبي وين أدورلك شبيه بس في طرياك
وأنا ياوين ألقى لك كلام بك يجملني
أبسكت دام كل اللي بقوله فز وجاك
تصور هالكلام اشلون من حبك هرب مني
رحمت البدر بوجودك
حشا ماهوب متهني
تصدق ... لودرى هالنحل عن طعمك وعن ملفاك
ترك كل الزهور وجاك وخوفي انه (يشاركني)
تعال ... أبجمع الحسبه
وبحلف بالذي سواك
إذا موتي على يدينك أنا طالبك تمهلني ..
~~~~~~~~~~~~~~~~~
ودي أحطب لك ضلوعي وادفيك
وألحفك بالرمش لاصرت بردان
اسكنك في عيوني ان كان يرضيك
وتصير عيني لك وطن مثل الأوطان
واضمك لصدري ¤غلا¤ لين يرويك
عذب الحنان اللي فقدته زمان
واعطيك عمر جايك اليوم يهديك
اجمل محبه ضمة انسان لإنسان
القلب تسكن فيه وحدك ويرجيك
انك تعيش داخله وينسيك الأشجان
ياحبيبي انت الوفا والوفا فيك
يرسم ملامح ضحكتك وانت عتبان
لاتستحي واحضن يدي داخل يديك
ثم شدني وارضيك ان كنت زعلان
ابي افتخر فيك واتبختر وأناديك
وأقول
هلا بحبيبي اللي سكن بين الأوجان
ياحياتي والله لأعطيك واعطيك
عمري وعشقي فدوتك
ياأعذب انسان
انت الهوى والقلب بالحيل يغليك
انت حبي اللي رويته بدمع الأجفان
وانت حبك أشوفه يملي علي
كل هالكون وحتى لوفيه غيره أكوان
(أحبك موت)
~~~~~~~~~~~~~~~~~~~
كبيره لهفة العاشق /يتيمة صرخة المعشوق
رحيمة كلمة منك /تخف يالغلا نوحي
عطيتك عشق من قلبي/كريمه والليالي شحوح
سهرت الليل بغيابك /سهرته كله بروحي
أحبك يابعد عمري /وحبك في حشاي جروح
أحبك لو علي تقسى /حبيبي والله مسموحي
حزينه في رجا نجمة/سناها ليه مايلوحي
تمنيت القدر مرة /يغير ما أنكتب باللوح
عرفت إن القدر حكمة/وربي يسمع لبوحي.
~~~~~~~~~~~~~~~~~~~~~~~~
ماحلا كلمة هلا اللي من لسانك
تعطي الروح العليله معنويه
ليتني حنى تخضب به بنانك
أو روايح عطر في خدك زكيه
أو قلم تستخدمه في امتحانك
وأنت تدرس في الصفوف الجامعيه
آه ليته يجتمع شاني وشانك
كان أعيش العمر في دنيا هنيه
~~~~~~~~~~~~~~~~~
غمضت عيوني
وكنت من التعب ميت
ساعتها تذكرتك
تمنيتك
تخيلتك
بداخلي...ه من الحب تشتاق تناديني تعال بأعطيك حبي من
الاعماق...وقتها
نسيت نفسي
نسيت ارتاح
نسيت اني من التعب ميت
ولقيت الروح لك ولهانه..
~~~~~~~~~~~~~~~~~~~~
أبيك تعرف إنه لايمكن إحساس قلبي يخليك
لوالشعوربداخل القلب مات..
العمريمضي،،،
ونصه يناديك،،،
والنص الآخر..يمسح بدموع الآهات..
-مستحيل-
اتخلى عنك وأقول ناسيك...
(..أنا..)لأخريوم في عمري بأكون وياك...