[يارحيم]

معقوله بس بسبب الهرمون؟؟ بعدين شكلك غلطانه الحقن المجهري هو اساسا تبع الانابيب بس يسوون شي زياده عن الانابيب.. يعني فيه خطوة زايده عشان يضمنون الحمل ما اتوقع هو اللي سويتيه.. يمكن انتي سويتي تلقيح صناعي؟

المهم ريحي بالك ولا تتعبين نفسك بالهواجيس اهم شي بموضوع الانابيب انك تشغلين نفسك لان الانتظار يتعب.. انا من بدت الدورة لين عمليه السحب تقريبا 12 يوم.. مو كثير بعدين قالو بعد السحب كم يوم ويرجعون لي الاجنه باذن الرحمن..

لما تبدين كورس الابر كل شي يصير بسرعه بس التحضير اللي قبلها هو اللي ياخذ وقت شوي.. انا قعدت شهر اخذ مانع حمل عشان ينظمون الدورة والهرمونات بعدها نزلت الدورة وبدو الابر ومر الوقت الحمدلله.. المتعب هو الانتظار بعد الترجيع مع اني ماجربته بس قريت عنه كثير وناويه اسوي لي برنامج يشغلني طول الوقت عشان ما اتعب بالتفكير.. وطبعا الاهم هو الدعاء اخر الليل والقران والصلاه وتفهمين نفسك زين ان ربي رايد لك الخير وتقنعين نفسك من البدايه انك بترضين بقضاء الله وارادته مهما كانت.. هالشي يخليك ترتاحين اكثر..

وكلي امرك للي عينه ما تنام ونامي حبيبتي قريرة العين :)