هذا الموضوع سبق وان نزلته في منتدى علاج العقم وتاخر الحمل وحبيت اعيده هنا للفائده
بنات انا اليوم جبتلكم موضوع شلون تقدرين تعرفين الحامل من عيونها قبل حتى لا يفوت موعد الدوره وتعرف انها حامل
طبعا انا قعدت افرفر وافرفرررررر بالمنتديات حتى اكتشف السر في عيون الحامل
عرفت ان بعض النساء وخاصه العجايز يقدرون يعرفون الحامل بمجرد النظر الى وجهها وخاصة من العيون البعض*يقولون ان الموضوع فراسه ولا يمكن ان يعلمونه لاحد يعني مايعرفون شلون يشرحون الامرهمه يقدرون يعرفون وخلص*
والبعض يقول ان عيون الحامل تكون ذابله ووجها شاحب بس انا طبعا ما اكتفيت ولا ياست ولا اقتنعت واستمريت افرفر وافرفرررر الى ان اكتشفت سر عيون الحامل
يقولون الحامل تكون عيونها رايبه شنو يعني رايبه ؟؟؟فره بعد زغيرونه ولكيتهم يكولون رايبه يعني يكون السواد صاعد للاعلى والبعض الاخر يقول يكون الجفن السفلي نازل وبكلا الحالتين النتيجه ان حافة السواد من الاسفل تكون يا دوب واصله الى حافة الجفن السفلي*
طبعا حبيبتي الله يخليكي لا تنزلي راسك للاسفل وتقولين عيوني رايبه لان لازم يكون مستوى الراس عدل لا صاعد ولا نازل
والبعض الاخر يقول ان عيون الحامل تكون غيرصافيه البياض مائل للصفره والسواد كان فوقه غشاوه*
ووحده ضحكتني تقول اعرف الحامل من عيونها تكون في عيونها نظرة حنان وحده ترد عليها تقولها اي حنان الامومه انا شخصيا اعتقد هذي سالفة الحنان مو مضبوطه
المهم خواتي وحبيباتي ارجو التفاعل حابه اعرف رايكم بهذا الكلام واذا اي وحده مار عليها هذا الكلام تذكرلنا القصه حتى الكل يستفيد*
ويااااارب انشالله هذا الشهر كلكم تكون عيونكم رايبه وانا معاكم *قولو امين