كيف الحال يالغاليات ان شاء الله تمااااااااام
ياحبيبات قلبي من العنوان عندي مشكلة صارت لي بعد زواجي ...
بالبداية خطبني ولد عمي ووافقت عليه وانا عارفه انه كان مطلق وعنده 3 عيال
وان طليقته هاملته لا طبخ ولا نظافة و تعذب عياله اشد العذاب وغير كذا الله يستر عليها كانت تسوي اشياء استحقت الطلاق لدرجة اهلها تبروا منها ...والناس كانت تقول حسافه هالرجال عليها ... لان زوجي فيه صفات الرجل المثالي كريم وحنون ويحترم المراه ويقدرها ومعاملته مع اهله والناس طيبة ... ومن شان كذا وافقت عليه ...
تزوجنا وسافرنا شهر العسل وعشت حياتي سعيدة معه
ويحبني ويخاف علي ويحترمني و يلبي طلباتي
وعياله يحبوني كثير وصايره مثل امهم وصديقتهم ويرتاحون لي
اكثر من امهم ... واهله كلهم يحبوني وفرحنين بزواجه مني وسعادته
معي اللي الكل لاحظها والحمد لله... ولنا سنة من زواجنا وربي رزقنا هالحين ببنتي عمرها 3 اسابيع ربي يحفظها ويخليها لنا ...
المشكلة اللي ابي حلها ان طليقته مازالت تتصل عليه وترسل له رسايل ... في البداية كانت رسايل سب وشتم له
بعدها قامت ترسل رسايل انها ندمانه وانها مازلت تحبه ولا قادره تنساه
وزوجي مايرد عليها لا بتصال ولا برسايل .... وقلت له يغير رقم جواله قال مستحيل لان رقمه مرتبط بوظيفته و بربعه ... وحتى لو غيره بتعرفه من عيالها او من معارفه .
وكلم اهلها انها ماترسل ولا تتصل عليه ولا خافت ومستمره برسايل ...وكل فتره قمت اتخانق معه سبب هالمشكلة وقلبي يتقطع قهر وابكي الحالي ...لان لو وحده منكم بمكاني بتنقهر وتغار ... وهو يعد هالامر تافه ولا يعني له شيء وانها ماضي حقير انتهى من حياته ...ويقول خلها ترسل وتتصل لين تشبع ... لدرجة خلاني افتش بجواله واوراقه عن اي شي فيه علاقة لها ...
وبعد تترقب اخباري وتحرض عيالها علي وتحضر المناسبات اللي احضرها وبعد تشتكي بالمحاكم علي وعلى زوجي من شان تاخذ عيالها من زوجي من شان الفلوس فقط مو حباً لهم ...
قولوا ياخواتي وش اسوي وش الحل بمووووووت من القهر وراح تخرب حياتي معه ؟؟؟