السلام عليكم
ربنا يرزق كل وحده تتمنى الحمل
الحمد لله انا حامل الان فى اخر التالت قبل الحمل تابعت تبويض مع الدكتوره بس اللى فهمته ان لازم تعمل سونار مهبلى
قبل ما اخد الكولوميد لان اذا كان فى كيس فى المبيض مينفعش اخده والحمد لله طلع مفيش كيس واخدت الكولوميد من تانى يوم
الدوره لمده 5 ايام حبه الصبح وحبه بالليل وبعد ال5 ايام اخدت فوار اسمه استيل سستاييل الغريب انه مذيب للبلغم وسألتها ايه فايدته قالتلى انه بينقل الحيوانات المنويه للرحم وعلى فكره هو بيعمل افرازات كتير وقالتلى الدكتوره
اخده 3 مرات فى اليوم لحد اليوم 11
وحسيت بتعب شديد فى المبايض ويوم التبويض رحت وعملت سونار تانى ولقت 3 بويضات فى المبيض وواحده فى قناه فالوب وقالتلى الجماع من النهارده لليوم 19 من الدوره
وبعدها ب5 ايام حسيت بتعب فى بطنى ونغزات تروح وتيجى وانتظرت لمعاد الدوره والحمد لله طلعت حامل