[توتي كيوتي]

السلام عليكم يا حلوات

صبايا بدي مساعدتكم

من بدايه حملي ولله الحمد وانا اتغرض للضغوط وما في شي زابط
انا مقيمه في امريكا يعني لازم يكون معي تامين مشان المشفى تبع الولاده والحمد لله اتقدمت الاوراق من لما سافرت وكنت بالشهر الثاني ولحتى امبارح تنهم سلمونا الكرت تبع التامين ولو ما جاه كان زوجي دفع يلي فوقه ويلي تحته مشان المشفى
حتى الدكتوره بما انو ما كان معي التامين اضطريت اروح لعياده حكوميه للحوامل وانتظر هناك بالساعات لحتى يجي دوري وتوصل لحد 7 ساعات وانا جالسه عندهم وانا اصلا نا تابعت الحمل من الاول بسبب مشاكل التامين ما عملت فحص السونار غير مره وانا في السادس
حتى اغراض البيبي التخت والعربايه والكار سيت كلها ما جبتها ليش لان حضره زوجي مشغول او بالاحرى هو ما بيحب يغلب حاله ويجيب الشي قبل بفتره
اليوم كان لي موعد اعمل سونار مشان اطمن على البيبي ووضعه واذا الراس نازل وهيك والموعد بده اسبوع او تكثر لحتى يصح لاحد زوجي اجل الموعد بحجه انه في نفس موعد الدكتوره يعني خلاص ما في الحين فحص زوجي واعرفه

يا بنات والله تعبت صرت حتى من اس كلمه ابكي زي الاولاد وما اتحمل شي خايفه يكون وضع الجنين مو مزبوط يعني راسه لفوق ويضطرو يعملو عمليه وما اعرف بهذا الشي الا لما يجيني الطلق واروح المشفى تعبت وانا اسمع من زوجي هالاكم من يوم بنعمل هيك وبعمل موعد ثاني للفحص وهلاكم من يوم بس افضا رح نشتري اغراض البيبي مليت وانا اسمع في حكي بدي فعل وينتا اضل استنا ضايلي 15 يوم واولد

والله يا بنات نفسيتي تعبانه كثير طول الوقت ابكي او قاعده وصافنه وخايفه هالشي ياثر على البيبي


ساعدوني ربي يفرج هم كل مهموم ويتمم لكل حامل حملها بصحه وعافيه يا رب