قصيدة يا ساحر الصوت . صوت سمعته وأنا ناسي وذكرني وجروحي الغافية في القلب ذكرها . . دخيل أمك وأبوك اعزف وسمعني واجمع هواجيس خفاقي وبعثرها . . اعزف يا خالد ترى هاللحن يطربني خوالي أيام عمري مات باكرها . . يا ساحر الصوت شنف بالمقام اذني الين ملح العيون يهل ماطرها . . واذا تبعثرت لا تحاول ترتبني انا كذا وأبخص بروحي وخابرها . . يا بوفهد لا غفيت اصحى تنبهني اخاف لا من صحيت أرجع وأدمرها . . لا صرت ناسي دخيلك لا تذكرني جروحي الغافية صوتك يذكرها .