[فضــــــ بينكم ــــولية]

المشاركة الأصلية كتبت بواسطة احلى عيون

ايش الاشياء اللي انتي شايفتها فيك غريبه وموطبيعيه !!

بصراحة أنا اللي شايفة إنه مش طبيعي فيني هو إني أحس إني فاهمة الأشياء بطريقة أوسع لدرجة إني أحس إن اللي حولي عقولهم كثير صغيرة
يعني مثلاً لما كنت طفلة صغيرة اتخلصت من عادات و أفكار طفولية قبل ما أقراني يتخلصوا منها لإني شفت إنها أشياء سخيفة
و هذا الإحساس لسة موجود عندي و يخليني ما أقدر أتفاهم مع اللي في نفس عمري لإنهم بالنسبة لعقلي كثير صغار
يعني مش عايشة حسب عمري .. و أتمنى إني أقدر أعيش سني مثل باقي اللي في سني و ما تشغلني ها الأشياء الكبيرة اللي لسة بدري عليها
و الدليل إني خليت كل منتديات المراهقين و الشباب و جيت هنا معكم, لإني ما أعرف أهتم بالأشياء اللي هما يهتموا فيها مع إني أتمنى إني أصير مجنونة مثلهم
يعني بصريح العبارة: أنا مش مجنونة أنا عاقلة أكثر من اللزوم
و في نفس الوقت طفولية كثير
يعني أنا بدل ما أعيش مرحلة المراهقة هذي اللي أنا فيها, أعيش مرحلتين, مرحلة الطفولة أقل من 5 سنوات و مرحلة النضج الكامل 40 سنة و ما فوق و ما عارفة أجي في الوسط!!!!!!!!