السلام عليكم ورحمة الله وبركآآته
صباحكم رضا ومغفره
بنات أنا بصراحه بدخل في الموضوع ع طول مره محتاجه استشاره
ماعندي احد وانا مافهم بهالامور متزوجه من سنه بس
ودورتي أبد مو منتظمه بعد الزواج
رغم انه قبل الزواج منتظمه كل 30 يوم
حملت قبل كذا وتوقف نمو الجنين عند 3 اسابيع وخذيت اعشاب الحمدلله ونزل من نفسه وسويت سونار وطمنتني الطبيبه ان الرحم نظيف بس معاي قرحه بسيطه وسويت لها كي قبل شهرين
الحين الدوره متأخره عني اسبوع وقبل موعدها ب اسبوع حسيت بمغص وثقل ب اخر بطني مدري كيف وبعدين توقف لما قرب موعد الدوره ولكن بعد موعدها ب يوم رجع لي مغص من الكلى إلى اخر البطن زي الابر وخز ويبدا معاي من 9 بالليل إلى الفجر كذا وانتفاخ واحس نسبياً شيء بسيط من ريحة الاكل بلوعه وغثيان خفيف واذا شميت شيء يجيني نفس الاحساس بس مو كثير مره هالاحساس غير اسمرار شديد في الرقبه واسفل الوجه سويت تحليل دم بعد الدور ب يوم وطلع سالب وسويت الثلاثا وبرضو سالب وسويت اليوم الخميس وسالب وقالت لي الدكتوره اصبري اسبوع ثاني بعد واذا ماطلع حمل بعطيك حبوب تنزل الدوره رغم اني إذا جلست او تمددت وقمت احس بألم في اخر ظهري شديد ،
معقوله بنات أنا حامل واعراض الحمل تظهر رغم انه مو في التحليل ؟
تكفون بنات ساعدوني ادري طولة عليكم
بس أنا خايفه اني لو مو حامل يكون فيني مرض والا شيء رغم اني الحمدلله سليمه وماعندي هرمونات
بس زوجي واهله عذبوني بالضغوطات النفسيه !!
سامحححوني بنات طولت عليكم