السلام عليكم ورحمة الله وبركاته اليوم جبت لكم برياني روووعه وعن تجربه طعم طعم .. المقادير : دجاج مقطع لارباع والربع تقطعينه نص يصير 8 وتشيلين الجلد .. بصله كبيره مقطعه شرايح .. حبات هيل عدله + مسمار + قرفه كامله .. ملعقه صغيره زنجبيل مبشور .. حبه ماجي .. ملعقه كبيره بهارات مشكله .. 2 زبادي .. كوب نعناع مقطع صغااار .. كوب بقدونس مقطع صغاااار .. رز ع حسب الاشخاص مغسول منقعته بمويه عاديه لمدة نص ساعه .. ملعقتين موية ورد .. لون زعفران اصفر .. الطريقه : 1 . تاخذين البصل المقطع شرايح وتحطينه بالقدر مع زيت { نفس الكشنه } تحطين معاه حبات الهيل والمسمار والقرفه ملعقة الزنجيل مع البهارت مع الماجي .. 2 . تحركين لما يصير لو البصل ذهبي حطي الدجاج وحركي خليهم 5 دقايق ... 3 . حطي الزبادي وحركي وخليهم 10 دقايق .. 4. حطي النعناع والبقدونس وقلبي وخليهم 10 دقايق ... 5. باال 10 دقايق هذي اسلقي الرز نص سلقه .. 6. شوفي الدجاج اذا في موية زبادي زايده شليها ، الحين حطي الرز المسلرق نص سلقه فوق الدجاج الي بالقدر وكتميهم بالقصدير 10 دقايق ع نار جداااا خفيفه .. 7 . لا تاكدي ان الرز استوى خلاص ، صبي موية الورد ورشي الون فوق الرز .. يصير عندك الرز 3 الوان ابيض واصفر واخضر ... 8 . خذيلك صينيه واعرفي الرز اول .. بعدين الدجاج فوقه نفس الصوره بالعااااافيه .. تقدرين تقدمين مع الرز : سلطة البرياني الاكثر من رائعه ؛ المقادير : حبه طماطم مقطع مربعات صغيييره .. حبه بصل ابيض مقع مربعات صغيييره .. حبه خيار مقطع مربعات صغيييره .. شوية نعناع مع بقدونس مقطعات صغااار .. ليمونه ، 2 زبادي ، زيت زيتون ، كمون حب .. الطريقه : حطي الخضار كلها مع بعض .. حطي الزبادي وحركيها ، وسوي الصوص { ليمونه ، زيت زيتون ، كمون حب ، رشه ملح ورشه كمون بهارات } وصبيها ع السلطه وحركيها ... وكذا تكون جاهزه مع البرياني ...