. لو كل قلبٍ صادفه لحظة إهمال
قام و تفنن بالغدر والخيانه
ماكان باقي للهوى قدر وإجلال
ولاكان باقي للتودد ميانه
أجل على ويش أنبنى صرح الآمال
دام العهد ضايع وفاه ابزمانه
وسوالفه مابين كاذب ودجال
يعني على بعضه مجرد إهانه
ياقلب يامهمل لالا يصيبك إهبال
وتخسر سنين الحب وتخسر حنانه
خلك وفي الحب مهما الزمن طال
وخلك على عرش المحبه تكانه
يرجعلك الصاحب ويرتاح لك بال
ويبقى غرامك ماتزعزع مكانه
خذها من اللي عاهدت عبر الأجيال
توفي لمن قلبه بصدر الأمانه
ماساقها كذب وتخاريف وخبال
وقلب الوفا مازال فالبحر دانه
أهم شي أن صادفك لحظة إهمال
لالا تفنن بالغدر والخيانه