طقم ويني هذا كرسي الاستحمام ومنشفه بقبعة تبع الاستحمام ومعاها ليفه ومنشفتين صغار للوجه ومريله
وهذه منشفة ثانيه عليها عروسة البحر بتنفعني لما يكبر شوية وكمان اسنفجه أحط فوقها البيبي وليفتين كلها بشكل دبدوب
البانيو وأغراض النظافه من جونسون اخذت الشامبو واللوشن وسائل الاستحمام وبودرة وكمان أخذت فازلين والعاب وقت الاستحمام على شكل بطه الي عليها رقم 1 وكمان مقياس درجة حرارة الماء على شكل بطوطه في رقم 2 وكمان أخذت مسحات طبيه رقم 3 وبودة السرة رقم 4 وكريم سودو رقم 5 بالاضافه الى مناديل جونسون معطره ومناديل غير معطره .
ستاند للرضاعات وثلاث رضاعات زجاج للمويه والحليب والأعشاب وحلمات للرضاعة من 0-3وفرشاة لتنظيف الرضعات
جهاز تعقيم الرضاعات وفرشتين لتنظيف الرضاعات والحلمات بالاضافه الى مصاصه اذا طاحت تنقفل من حالها .
اسعافات اولية وفرشاة لتنظيف الاسنان واللثه واللسان بعد الرضعه بالاضافه الى قاعده معاها .
جهاز مراقبة الطفل + لعبتين ماما جابتها ليا + مخده للطفل + اباجورة لا سمح الله اذا كان عنده صفاري + شبشب الله يكرمكم هوه كبير عليه بس عجبني مره .
مقياس حرارة وشفاطة الانف وابرة الدواء وقطاطه الاظافر .
سلة للملابس المتسخه لطفلي على شكل فيل + قطن لفة لتنظيف الطفل .
دي اغراضي
روب استحمام
من فوط صحية أخذت ريلاكس فام الخاص للولاده بالاضافه إلى معقم ديتول لليدين وسائل استحمام ديتول وصابون لليد ديتول وكريم فازلين بزبدة الكاكو لترطيب البشرة ولوشن لبعد الولاده لشد الجسم بعد التمدد بزبدة الكاكو بالإضافه إلى كريم الرضاعه بزبدة الكاكو وأخذت ليا كمان فوط للصدر نوعين منها الي تلصق شكل 5 والنوع الثاني العادية وأخذت كلوتات استخدام مره وحده وفرشاة ومعجون .
ارواب النفاس للاستقبال الازرق الي بالنص تفصيل وهو من مفرش النفاس تبعي والاثنين الباقيه جاهزة
وفيه حاجات اشتريتها بس ما صورتها زي رضاعه زجاج مره صغيرة للموية وصابون غسيل الملابس وكريم ميبو وبعض الحاجات المهمة ليا زي سنتيانات الرضاعه وملابس داخليه وبجايم وقمصانات جديدة والمشد.
اما التوزيعات ومفرش النفاس في المرة الجايه بأنزل صورها