انا ولدي عمره 4 اشهر ماكنت ناوية ابدأ معه الأكل الا بال6 شهور.. لكن اول مادخل الشهر الرابع كان رافض يرضع ابد لمدة 3 ايام ماكان يرضع الا شوي ووقت النوم بس فقلت بدخل له الاكل.. نفس حالتك رافض الخضار مع اني ماعطيته منها الا (بطاطس+ كوسة) و(بطاطس+ جزر) والفواكه جربت معه التفاح والكمثرى ورفضهم.. وجربت معه عصير البرتقال الطازج المخفف جداً وحبه كثييير فصرت اعمل له سيريلاك واضيف عصير برتقال عليه.. جربت اضيف التفاح للسيريلاك رفضه.. اممم بعد أكل بسكويت الرضع..
......................
اما عن النوم.. انا كنت متعذبة من قبل لكن الحين الحمد لله افضل.. شوفي هو لازم ينام نص ساعة في كل ساعتين.. لكن نومة الليل تكون متواصلة بس يجلس للرضاعة مرتين وحدة بنص الليل ووحدة عند أذان الفجر.. لكن يجلس من الصبح بكير.. يعني عند 8 اوقبل بشوي او بعد بشوي..
بعلمك كيف عودت ولدي على نومة الليل..
اول شي نومة الليل هي بس اللي تكون بسريره بالغرفة.. اما نومة النهار المتقطعة انا شارية له ناموسية وهي فراش معه شبك خفيفة مرة خذتها من الهرم بالعليا/الرياض. انومه بالناموسية في النهار بره في الصالة..
خلي ولدك صاحي قبل نومة الليل على الاقل بساعتين او ثلاث ساعات.. يعني انا انومه الساعة 8 عشان كذا من 6 هو صاحي..
بعدين دخلي ولدك غرفة النوم بعد ماتغيرين الحفاض.. وتكون الاضاءة خفيفة.. وتلبسينه بيجامة خاصة للنوم يكون طويلة اكمامها وسروالها طويل.. ورضعيه.. بعض الاطفال ينامون بمجرد مايرضعون.. احيانا ولدي هالشكل بس يشبع من الرضاعة يناااام.. وغالباً لازم اهدهده وانا اقرا عليه المعوذات وآية الكرسي وأدعية وأذكار قصيرة.. وارتل بالقراءة بصوت حلو لكن مررررة منخفض اقرب للهمس.. واحطه بهدوء في السرير.. راح يتململ شوي اوك ماعليه ظليه اقري وهدهدي وهو بالسرير..
طبعاً هالشي يبغى له صبررررر وطووووولة باااااااااااال.. في البداية ماراح يطاوع بالنوم بسرعة لكن بعدين ماتاخذين ربع ساعة الا وهو نايم..
ولدي ينام الساعة 8م يصحى 11 أو 12 نص الليل ارضعه وينام على طووول.. يصحى عند أذان الفجر وينام على طول.. ويصحى بكير من 8 ص وهو نشيط ونفسيته زي الفل..
اتمنى اكون افدتك..